غـربـة شــــعور

سريت الليل واشقاني السهر والهم والترحال=وصار الدرب صعب ولا لقيت اللي يخاويني
تحديت الزمن وحدي وعانيت العذاب اشكال=لو أخفي الهم في قلبي لهيب ألشوق يكويني
ألا ياخلي الهاجر ترى هجرك يسم الحال=أحبك حب يبدا بي يدور وينتهي فيني
أحبك حب اعجازي عجيب ولا طرا عالبال=حلالك يابعد عمري مع انك تسكن بعيني
أنا مقدر على غيابك وضيم فراقك القتال=دخيلك ترجع لدنياي تكفى لا تخليني
أنا لامن ذكرت اسمك خيالك داخلي يختال=على طيفك أعيش وحلمك العابر يسليني
كتبتك لحني وشعري وغنيتك لحن موال=بحور الشعر من غيرك تعاند ما توفيني
أشوف بعينك أيامي وأعيش لبسمتك أجيال=زرعت بوجنتك وردي وبخدودك بساتيني
ولكن ياحبيبي دام هجرك في عيوني طال=أشوف ان السفر يمكن عن جروحك ينسيني
خلاص أنا برحل وبترك خلفي الآمال=ولكن للأسف وحدي ولا به من يخاويني