رد الشاعر السعودي على القصيدة:محمد ابن الذيب

قصيدة الشاعر القطري محمد ابن الذيب يتغزل في أميره سعوديه


ياعبدالله ابن غراب والجود في الماجـود *** وأنا في فرنسا ويش أخلي وويش أرجي ؟
أنا رحت فيها عند وحده مـن آل سعـود *** ورجالها مـن ربـع عدنـان خاشقجي
عفيفـة عفيفـة مالحقـهـا ولا منـقـود *** عليها السلام وحورهـا النعّـس الغنجـي
لها بيت فـي جـده وسواقهـا محمـود *** على موترن ماهوب كدلك ولا هو ابجـي
مع إسطابـه الخلفـي سطابيـن والا زود *** وهو في النعيرية يسفر علـى الخفجـي
تقل مهرتن من خيل راكان أو ((صاهود)) *** أبعنهـا بالسـرج والا بــلا سـرجـي
رقت برج ليفل واجتمع من عليهـا النـود *** ورحب بها البـراق والمـزن والثلجـي
لو إنها تقول البرج برجي بـدون شهـود *** تهاوا لها البرج وتهـاووا هـل البرجـي
ياحكام نجد أنـا بوجـه المليـك العـود *** ويالله مـن جانـي فـلا غيـره المنجـي
لو إنها من العجمان ماهي من آل سعـود *** وهي بالحلا ذا كـان زليـت بالهرجـي
وياخشمي عليك اللوم من شمـة البـارود *** ماينهاك عن دوس الحما وضعك الحرجي

رد الشاعر السعودي على القصيدة


الا يانديبي جعلهـا روحـه بـلا عـود *** تولم وخـذ قـافٍ كتبتـه علـى نهجـي
رسالـة ووصلهـا ولا كلفـت مجهـود *** عسى عقب توصيل المراسيـل ماتنجـي
الا جيت من غنى ولا هو ترى محـدود *** نهق كنه اللي فوقه اغماد مـع خرجـي
يغزه ابليـس العـود ويشجعـه محمـود *** تجمع خدوشٍ سامجة هرجهـم سمجـي
عطه من ضميري كلمةٍ كنهـا العبـرود *** تخلي اعظـام الهيـس تبـرد وترتجـي
سمعنا كلامك وأنت ماتسمـع المنقـود *** هبيلٍ ضميرك ضاربـة بابـرة البنجـي
والا يابن خر الذيـب ياناطـح الجلمـود *** كسر قرنك الجلمـود يالابـس افرنجـي
تطاولت وانت الناقص التافـة الملهـود *** وتجريت يوم الشيخ يهدي لـك الرنجـي
وانا حافظٍ لـك موقـفٍ ثابـتٍ مشهـود *** تشوفه جماهير الملاعب علـى البرجـي
ترى موزة الريان لامـن طرقهـا النـود *** يصفق لها لحجي ويضحك لهـا لحجـي
نقلها عربسات الفضاء والعبـاد اشهـود *** وشاهدها العرب والفرس والهند والزنجي
وهرمون ابن مكتوم راعيك رعي الـدود *** وهذا هرجك اللي قلت مهوب من هرجي
تماديت فـي عميـاك ماترتـدع بحـدود *** ولحقت الشيوخ اللي لهم مقدم السرجـي
سلاطين نجد اللي حموها مـن النمـرود *** طويلين الايدي والنسـب ساطـعٍ لنجـي
شيوخٍ على اشيوخ العرب فارقين بـزود *** وفي عهدهم نشرب قراحٍ بـدل همجـي
اخذها رسالة يـا محمـد بـلا مـردود *** واذا عـدت توبنـاك يالتافـة العلـجـي

الشاعر عبد العزيز بن محمد العتيبي

صحيفة الوئام