قصيدة لمحمد بن ساقان القحطاني

من نرجسيات فكـري ليـن داناتـي=ابحترق بك قصيـده وانثـرك فلـه
حتى ولومات ما فكري مع خيالاتـي=تبقى خيـالِ عليـه اتـوق واتولـه
ياملهمة فكري ويا اجمـل كتاباتـي=ياروح كل الشعر مـن دقـه لجلـه
اموت بك ياحبيبـي واسمـع الآتـي=اسمع حديثِ يجيـب القلـب ويتلـه
اذا ابجديات شعري تفضـح سكاتـي=فقـول مجنـون بـي وعلتـه علـه
لبيه ياحساس شعري واعذب ابياتـي=لبيـه ياعيـن قلبـي والغـلا كلـه
لاخااان حرفي...تصير اجمل عباراتي=ولامن وفابك اموت اي بالله اي بالله
اسئلـك بالله ياعمـري ويـاذاتـي=لاجابنـي طـاري توقـف او تزلـه
لا يعتريك السكوت وتجلـس تحاتـي=يكفي من اجلك تكبـدت العنـا كلـه
لكـل شـيِ حسبتـه فـي ملفاتـي=الا اني اجيب دمـع العيـن واهلـه
وان كان ترضيك دمعاتي وعبراتـي=فما اذل دمعـيّ بـس لعينـك اذلـه
كم شفتك الدرب في دنيـا متاهاتـي=ادل دربـك وغيـرك مانـي ادلــه
تاهت بي اخطاي في سكة مسافاتـي=من دربي العام والملـه هـي الملـه
ومن آآه جرحك ليا جرحي بأآآهاتي=اضميت صدر الزمن والارض مبتلـه
هيهات هيهاتـي ياوقتـي وهيهاتـي=ماعاد فيني صبر بعديـن او (هلـه)
حتى ولو قلـت بحياتـك وبحياتـي=كيف احضنك وانت حلم ِ مات في حله
ياضحكةِ ضايعـه فيهـا ابتساماتـي=كيـف ابتسـم دام بسماتـي مملـه
عموماَ انسى غرامي وكل مـا فاتـي=انسى زماني زمان الحـب (والفلـه)
لا انته بفكري ولاانته بأعذب ابياتـي=ولا أنته بعيني ولا أنته بالغـلا كلـه
بس انك اكبر...من حروفي وعباراتي=اكبر من أحساس شاعر ماوصف خله