أغلى حب

أغلى حب



جلست لحالي أتذكّر

ليالي عشتها ويّاك

وكوبي مابه السكّر

وسكّر دنّيتي بشفاك

أذوق المر واتصبّر

من أسبابك ومن فرقاك

مشاويرك .. بعيدة حيل

وليلي طال .. ما هو ليل

خلاص أرجوك يكفي بعد

ويكفي عناد .. يكفي صّد

أعدّ خطاي أنا يمّك

حياتي وأنتي ما همّك

أبي منّك سبب واحد

على صدّك وهجرانك

بغلطة تهجريني سنين

وأنا مدري خطايه وين

سنين العمر تسرقنا

بلاش الشك يغرقنا

وتفرح بعدنا العذّال

إذا شافوا هوانا زال

حبيبة قلبي يا حلوة

حياتي وروحي لك فدوة

إذا باقي بقلبك شّك

أنا ودّي يزول الشّك

تعالي عندي لك فكرة

تعالي ألحين مو بكرة

تعالي فتّشي عمري

ولا تلقين غير الحب

وقلبٍ ينبض بصدري

ولا له غير حبّك طب

تعالي وأقبلي عذري

أنا غلطان كلّي ذنب

تعالي يا بعد عمري

يا أغلى إنسان .. يأغلى حب .


سلطان القوافي