الأخوياء الثلاثـــة

هذه قصة عظيمة ومشهورة سمعتها من أحد الشيوخ الأفاضل جزاهم الله ألف خير . وأرجو من القارئ الاتعاظ بهذه القصة.
وأعذروني ترى الكلام بالقصة باللغة العامة ( البلدي )

هذه قصة شخص صاحب له ثلاثة أخوياء :-

الأول : يعزه ويحترمه ويغليه ويفكر فيه وهو صاحي ونايم وما يفارقه أبد

الثاني : نفس الأول في المعزة والاحترام وكل شئ إلا أنه أقل منه شوي

الثالث : مجرد خوي روح ويـجي معه " يعني ما يفكر فيه واجد "

بعد فترة من الايام أصيب هذا الشخص بمرض فذهب إلى خويه الأول وقاله : روح معي ورفض الصاحب الأول الي كان يعزه ويحترمه ويفكر فيه وهو صاحي ونايم ..... وبعدين راح لصاحبه الثاني الي كان يعزه أقل من الأول وطلبه نفس الطلب فقال له الصاحب الثاني : أروح معاك بس أوصلك للمحل الي تريده وأرجع انا ...... وبعدين راح لصاحبه الثالث الي كان معتبره مجرد خوي وطلبه نفس الطلب . فقال له الصاحب الثالث : أروح معاك وين ما تروح . تصوروا الصاحب الثالث الي كان معتبره مجرد خوي يقول للشخص المصاب أروح معاك وين ما تروح بعكس الصاحب الأول والثاني.
توقعوا أو أسالوا أنفسكم وش هالمرض الي أصيب به الشخص
..............( المــــــــــــــــــــــوت )...........
وش هالمكان الي يبي يروح له
..............(القــــــــــــــــبر ) ...................
وش هو الصاحب الأول
..............(الفلـــــــــــــــــوس )..........
وش هو الصاحب الثاني
..............(الأهـــــــــــــــل )..............
وأخيراً وليس أخراً وش هو الصاحب الثالث
..............(العمــل الصالـــــــح )............



" لاآله إلا الله محمداً رسول الله "
آمل من الله العلي القدير أن لاأكون أطلت عليكم بحديثي ولكن أرجو من الله أن تكونوا قد استفدتوا من هذه القصة.
" أخوكم المطلا " ولكم جزيل الشكر.