==>> قلت آه من همن بقلبي ليا جار ......

بسم الله الرحمن الرحيم

هذه أبيات متواضعة.. أرسلتها ردا على سؤال سألنيه أحد الإخوة.
أتمنى ان تنال رضى الله ثم رضاكم

مع التحية

قلت آه من هم ٍ بقلبي ليا جار=كنه لهيب النار ما أقوى لهيبه
علمي سرا ياخوك والعلم سيّار=من قصتي تبكي الحجار الصليبة
يابوحمد يا شبل من نسل الأحرار=هذي حياتي مابها حب و حبيبة
قلبي تعلق في رجا خوي واختار=قربه عسى عمره سنين ٍ رحيبة
والقلب عقبه ماهوى خلّ أو دار=وشلون يعشق في ظروف ٍ عصيبة
فقده كواني كيّة القلب بالنار=من يفقد الغالي تزايد نحيبه
وأخوك عقبه في هواجيس وأفكار=عزي لمنهو غاب عنه قريبه
الله على أيام ٍ مضت كنها أعمار=أيام ونس ٍ كالغصون الرطيبة
أبكي على طيب النوايا والأسرار=ذكراه دايم في حياتي عجيبه
يابوحمد طيبك سرا عبر الأقمار=اذكرك واذكر طلة ٍ لك وغيبة
ياليت تعذرني على بعض ما صار=وتفهم قصتي من دون شك ٍ وريبة

وسلامتكم



أخوكم ومحبكم


الناقد