قصيدة رثاء في أحد طلابي الصغار !

في باب فصله وقفت وطالت النظرة=اناظر الطاولة والكرسي الخالي
متذكر ٍ للقلم في كفّ . . وش صغره=يخط في دفتره احلامْ وآمال ِ
جدران فصله تكاد تنــزّل العبرة=وتقول وينه ( فهد ) ظريف الاقوال ِ
وسبورة الفصل شالت للحزن نبرة=تقول ياما جلس ووجهه قبالي
ومعلمه افتقده وطالته حسرة=قد كان عنده مميز جداً وغالي
يودعه كل يوم ويرقبه بكرة=ويقابله با بتسامة قدرها عالي
واليوم ما جا من الغايب سوى ذكره=قالوا توفى وراح وعكروا بالي
الحزن في القلب يا حره ويا كبره=يا كيف باهله عسى ربي لهم والي
فلا لمن يبكي الا يحتسب صبره=ان كان يبغى الجنان بيومه التالي
ياليت الايام ما نلقى بها حسرة=وياليت الارواح نفديها بالاموال ِ
هذا القدر ما مع الانسان به قدرة=والموت حكمه على الشايب والاطفال ِ !