(((( المشكله ماهي على قتل صدام ))))

يالسبت يا ما أصعبك من بين الأيــام = غريب من طبعك وفيك الـــغـــرائــب
قفيّت بك عامٍ وقــابــلــت بـك عــام = عامٍ على ما قيل عام الـمـــصـــائـــب
كم من زعيمٍ راح من الشرق والــشــام = وكم من شعوبٍ صادفتها مــصــاعــب
واليوم شاهدنا خبر عبر الإعـــــــلام = يهتزّ منه اللي صغيرٍ وشـــــــايـــــب
من العاصمه بغداد تصدير الأحكـــــام = واللي أمر بالحكم راعي الـضـرائــــب
وأصل الهدف معروف والحكم قـــدام = لكن يوم العيد والله عــــجــــائـــــب
في العيد تحكم محكمتهم بالإعــــدام = وهذا غريبٍ وأنكرته الـمـــذاهـــــــب
وش لون يا أمة محمد والأســـــــلام = ترضون باللي صار وبلى مـحــاســـب
والمشكله ماهي على قتل صــــــــدام = المشكله في الوقت ماهو مــنـــاســــب
وأقول والله رحت يا شعب الأحــلام = ما بين بوش وبين كثر الـمـطـــالـــب
صرتوا رهائن بين شيعي وهـــــــدام = واللي هدم مخزونكم له حــبــــايـــب
في الغرب له ناسٍ تمنيه بـــأوهــــام = وإيران تملي له جميع الــمــــراتـــب
حتى غدى ما بين غاضب ولــــــوام = وأكيد تالي الوقت يلقى الـعـواقـــــب
والعاقبه تكتب على سود الأعـــــلام = يلجم بها الشيعي وراعي الـعـصـايـب
ويجفّ منها كل حبرٍ بــالأقــــــلام = ويِسَجَل التاريخ بأسم الــكــتـــائـــب

من العاصمه بغداد تصدير الأحكـام=واللي أمر بالحكم راعي الضرائب
وأصل الهدف معروف والحكم قدام=لكـن يـوم العيـد والله عجـائـب
في العيد تحكم محكمتهـم بالإعـدام=وهذا غريـبٍ وأنكرتـه المذاهـب
وش لون يا أمة محمـد والأسـلام=ترضون باللي صار وبلى محاسب
والمشكله ماهي على قتـل صـدام=المشكله في الوقت ماهـو مناسـب

صح لسانك ابو محمد
وصدقني لو لم تكتب الا هذه الابيات لكفتنا لاني اعتبرها لب الموضوع
ولكنك ابيت الا ان تصور لنا كل الامور من كل الجهات
وهذا من ايجادتك الشعريه وفقك الله
تقبل خالص المودة
اخوك
ابو عبدالله

صح لساانك يا غرمان
مشكور ولاهنت على القصيدة الطيبة
تقبل أطيب التحايــــــــــاا

الله يعطيك العافيه اخوى غرمان و صح لساانك

مبدع الله يبارك فيك..
صح لسانك

شاعرنا غرمان بن عزيز الشهادة فيك مجروح لكن المبدع مبدع
وصحت لسانك صحت صحت ولك تحياتي صالح

الأخ الغالي / صالح آل سلمان . أولاً :- كل عام وأنت بخير يا أبا عبدالله . وثانياً :- مرورك هذا يكفيني عن القصيده كلها وهذا يسعدني ويدل على ان ما كتبه من قصيد حاز على الرضا من الجميع فلك شكري وتقديري وعساك تسلم 0


الأخ الغالي / سيف العرب . أشكرك على المرور وعساك سالم وغانم وكل عام وأنت بخير وسعاده 0


الأخ الغاليه / الجفن . الله يسلمك وكل عام وأنتي بخير ومن العايدين ومن الفايزين إن شاء الله 0

الأخ الغالي / أبو مشعل . الله يصح لسانك وعساك تسلم وكل عام وانت بخير وشكراً على مرورك الكريم 0


الأخ الغالي / الطير الحزين . الله يسلمك وشكراً على مرورك الجميل الذي يدل على جمال أخلاقك وطيبة قلبك وفيك الخير والبركه وما أنا إلاّ عود من حزمة وهذا من فضل الله ثم من فضل الأخوان الطيبين أمثالك فشكراً لك مرة آخري وكل عام وأنت بخير وتقبل تحياتي 0