هم المحبـــــه

السلام عليكم ورحمه الله وبركاته

قصيدة الشاعر مناحي المسردي ومناسبتها في الابيات في الحقيقة تمنيت انها من حقوقي لكن يجيب الله خير
اتمنى ان تحوز على اعجابكم


فالكم الطيب

يقول اللي شكى حالـه لحالـه= شرد في ظلمة الليـل بخيالـه
سنين أيـام وشهـور وليالـي= يصفي له زمان ٍ ما صفـا لـه
ليا منه صفا لـه يـوم واحـد= يجي يوم ٍ يعكر ما مضـا لـه
هموم الحـب ياسـود الليالـي= على الله ثم على من تنشكى له
تهاونت الهوى ساعـة مشيتـه= أثر درب الهوى مابـه سهالـه
وأثر درب الهوى عسر ٍ وكايد= وأثر درب الهوى هـم ونكالـه
ولو ان فيـه لحظـاتٍ جميلـه= لكن الرابح اللـي مـا مشابـه
عيون أهل الهوى دايم سهيـره= وحالتهم تراهـا أخـس حالـه
وترى راعيه لأجله ما يبالـي= يسوق الروح لو يطلب رضاله
مادام الحب فـي قلبـه تمكـن= فداه بروحـه وغالـي حلالـه
ولا يمكن يقول الحمـل كايـد= ولو يومر بشل طويـق شالـه
وأنا اللي طحت ياسود الليالـي = بدربه ليـن ثنـى لـي عقالـه
ذهب فكري تحت ظلماك مرسل= مـن فـوادٍ يـدور للعـدالـه
على الظلمى شكى المظلوم ظالم= ظلام الليـل مظلـوم ٍ لجالـه
وأنا ما أشكي همومي لأي واحد= يكون الغايـب اللـي قلتهالـه
لحيث انه مشـى دربٍ مشيتـه = وشكوى الحب لأصحابه دلالـه
ولكن من شكـى هـم المحبـه = على من لا يحب أكبر جهالـه