يا كويت جابر حي لا تجرحينه

رحم الله الشيخ جابر واسكنه فسيح جناته

وأحسن الله عزاء الكويت وشعبها الكريم


حروف متواضعه في حق الأب الراحل الشيخ جابر

رحمه الله وطيب ثراه

يا كويت جابر حي لا تجرحينه = يكفيك حزن وقايد الخير ما غاب
يا كويت كفي الدمع لا تسكبينه= ما مات جابر سيرته عطر خلاب
أدري عذابك فقد شخصٍ تبينه = لكنْ وعد الموت في صفحة كتاب
جابر سليل الطيب وأنتِ مدينه = بالحب والعرفان لإنسان جذاب
كبير .. بأفعاله ومــدّة يدينه = للي زمانه من عنا الوقت غلاب
والدمع والعبرة وناسٍ حزينة = ما ألومها والله في جرح منصاب
كان الرجا يا عين ما تذرفينه = دمعك ترى.. كان الرجا دم ينساب
أرض السعودية وجعها ونينه = وش لون ما تبكي على فقد الأصحاب
جابر أَبو.. للكل تشهد سنينه = وراس السنين لـفقد جابر.. ترى شاب
ودي بنفسك داخلك تدرسينه = علم وعَلَم.. والقلب من حسرته ذاب
أوصيك يا كويت العطا تكتبينه = رمز الشهامة والوفا طلعة شهاب