ما أبيك تندم لا كلا جـــــســـــمــي الدود

جاك الخطى مني ولا هو مقصود =أرجوك سامحني وقدر ظروفي
وباب الزعل خله على طول مسدود =وانت الحبيب إللي بحالي يروفي
والمشكله حظي معك دوم مقرود =يا كثر ما حاتي ويا كثر خوفي
غيرك لب منه غاب ما هوب مفقود =لكن فراقك يحترق منه جوفي
ما أبيك تندم لا كلا جــسمـي الدود =ولا ودي تزيد الحسايف حسوفي
وخـتامها يااالله يا خير معبود =تحفظ لنا المجمول زين الوصوفي