الدلوخ عد واغلط وشوف ادلخ خلق الله

فيه نوعية من الناس الله ابتلاهم بالدلاخة ( الغباء ) وهم ما يدرون انهم دلوخ وأصحابهم ما علموهم مراعاة لشعورهم
ولكني قعدت 3 شهور ادرس علامات الأستدلاخ ومواصفاتها لكي تعرف بأن هذا أو ذاك دلخ وبجدارة ومن بعض علامات الدلاخة اجارنا الله واياكم منها مايلي:

1/ إذا شفت واحد وقف سيارته تالي الليل جنب بابهم وفتح باب السيارة بسرعة واخذ كم حجر معه عشان يطارد له بس ( قط ) كان واقف قدام بابهم فأبصم بالعشرة ان المذكور دلخ وعلاجة كم تفلة من مطوع الحارة وبعدها ان شاء الله انه يتحسن

2/ إذا شفت واحد في السوق شماغه كله نشأ وقاعد يلاحق وحدة تسحب وراها 3 أو 4 من وراعينها والحبيب وراها من محل الى محل يبغى الحبيب يرقم ( ونسي ان عنده في البيت حريم ) فهذا والعياذ بالله دلخ مستدلخ وهذا النوع خطير على الحياة الفطرية

3/ إذا شفت واحد من ها الشباب الي يتابع أرقام خط الصداقة الدولي ويقعد يتصل عليهم وبعد من دلاختة حتى الأنقليزي ما يعرف منه ألا كم كلمة ويتميلح بالساعات عشان الخواجيات يضحكون على دقن الي جابه وأخر الشهر إذا جات الفاتورة يلاقي ذاك المبلغ المحترم صاكينة شركتنا العزيزة الاتصالات بعدها الحبيب يسوي جمعية ( قطة ) مع زملائه عشان يسدد فاتورة الدلاخة وهذا النوع دلاختة مؤقتة تزول بمجرد الزواج

4/ إذا كفلت كفالة غرم واداء لدى شركة تويوتا لواحد من الأصحاب مطلع ليكزس قيمته فوق 200 ألف ريال وراتبه 4000 ريال وراتبك ماهو ببعيد عنه كله عشان يتمقلط ويكشخ على جماعته وعيال عمة واصحابه ويتميلح في الأسواق على حسابك طبعاً ويحط رجله ما يسدد ويجيك مندوب الشركة بورقة أما التسديد وآلا ابو زعبل وقتها وقف قدام المراية وتفل على اللي قدامك وقول بكل فخر دلخ مع سابق الإصرار والترصد
وقتها نقول بئس الدلخ والمستدلخ ( الشاري والكفيل )

5/ أما قمة الدلاخة
فهي ان ترسل لك وحد ة مزيونة بالحيل وشعرها طويل من ها البنيات ذيك الرسالة على بريدك أو رسائلك الخاصة في المنتدى أللي أنت مرتز فيه أنت وبراطمك وتكتب لك إنها معجبة فيك وفي أسلوبك في الكتابة وبعد معجبة في خفة دمك وتقعد طول الليل وأنت قدام المراية تلمع في سنونك الصفر اللي فرشة الأسنان عمرها ما قد مرت من جنبها وبعد كم شهر من التسحيب على وجهك تتضح ان البنية الأمورة الحلوة واحد من ها الثيران اللي ساقط في الكفاءة 7 سنوات وحط عصارة فكره النير في تسحيبك 0
وقتها اعرف انك قد بلغت قمة هرم الدلاخة والله يعينك على المحشات من أصحابك في المنتدى اللي انت مشخص فيه

حقيقة عجبني ونقلته 0 وارجو المعذرة ان كان قد قام احد الاعضاء بطرحه من قبل