.......اللي يحب بنوتي يالله يدخل‌‌...‌‌...

طبعا كلنا نعرف ان الصغير يكبر(لا والله الوفا الصغير يكبر قلتي الحين شئ يديد انتي؟!)

الوفا : لحظة بلاكم ياخي هذا اللي يسمونه تمهيد للموضوع والله العظيم خذتوتي بشراع ومجداف المهم اسمعوا

طبعا مقدمتي كانت عشان اخبركم شئ مهم عن اكبر رجه في العالم والكون

ترتوب؟

اسمعوا انا بحكي لكم عن موقف من المواقف اللي امر فيها من يوم الله كتب علي اتعرف على بنوتي لا تفرحون وبعد تراه حكم عليكم تتعرفون عليها وتتحملون هبلها هههههههههههه(عز الله بتسفر بعد ها الموضوع) نزين وطبعا باجر عيد ميلاد بنوتي ..


خلاص يا جبول بس تصفيق لا اي الحين اصفجك (هاي مسروقة من المصطلحات السعودية) (من عاشر القوم) عموما وانتي يا فنانه بلاج واقفة عقب نستقبل التهاني مب الحين ههههههههههههههههه




لحظة يا صلوووووح(طبعا السيكا) وشوشه منفوشة حشا لاحقين تشربون العصير ههههههههه


نزين ...

وبينما (خلو بالكم من بينما هاي) انا يالسة في حالي اسمع موسيقي وفي عالم غير العالم رن مبايلى اطالع الرقم من بوظبي يا ربي منو داق لي من بوظبي (طبعا الفضول بيقتلني ابي اعرف ) وفعلا استاهل اللي صار لي اول ما رديت اسمع

بوووووووووووو خخخخخخخخخخخخخ لولولولووووووويش

الوفا : وعلى ويهي كل علامات الاستفهام والتعجب وصار ويهي كحلى ههههههه شو هاه المقلب اللي كلته المهم هلا والله مليووون هلا والله مليار هلا بالغلا (من هناك لو كنت اعرف ان بنوتي داقة ما رديت) هههههه

بنوتي : وفاية كم بنوتي عندج(قالتها بدلع اول مره اشوفها تدلع كله دفاشة العالم فيها إلا اليوم)

الوفا : عشره (يا ثقل الدم مب لايق هههههههه)

بنوتي : وفاية صج كم بنوتي عندج

الوفا : خليني شوي اضغط لها رفعها قلت لج مائه وحده

بوتي : عصبت وقالت وكلها عصبية وليه لو ما ألتي الحين (معلية اونه لبناني ترمس) ههههه بيج على العين وادعس في بطنج

الوفا : صار ويها عيناوي (عشان نادي العين) هاه لا لا عندى بنوتي وحده وقالبة الدنيا كلها فوق راسي امري الغالية فيه شئ ؟؟

بنوتي : طبعا بما انج ما يتي حفلتي يوم الخميس فباجر عيد ميلادي (طبعا كله هذا عشان تذكرني بالهدية)

الوفا : ايوا عيد ميلادج كل سنه وانتي بالف خير وعقبال المليون(قلتها وبعدين حسيت لو بعدها تعيش مليون سنه عند اهلها شو بيصير في حالهم وله ريلها المسكين شو بيصير فيه؟؟) (تفكير مستقبلى ونفس الوقت احساس باهلها يا حرام )

بنوتي : وفاية

الوفا : لبية

بنوتي : انا خلاص ما ابي باونتي هدية عيد ميلادي (اونه كل هذا عشان تعرف انا شو يبت لها هدية عيد ميلادها)

الوفا : شو باونتي ومنو قال لج بيب لج باونتي تراني قلت لج كلمة كل سنه وانتي طيبة شو تبين اكثر





فكسرت خاطري وطبعا اشتريت لها هدية وما بقولكم شو هي ههههههههههههه