طلبتك يا زمن وقف قبل ما تنهي أيامي

بعيش اللي بقى من عمري ترى باقي أمل فيـــــــني



عدمت الفرحة في عيني و بعد ناوي على إعــــــدامي
حرام تسوي كل هذا ترى اللي فيــــــــني يكفيــــــــــني



أشوف و ما أشوف إلا عذاب بداخـــــــلي حامي
يجي أحيان يخليني بغيـــــــبوبة و ينهيــــــــــــــــــــني



أبي مره و لو مره أشــــــوف الفرحة قــــــــــــدامي
و لكن وينها الفرحة أموت و ما تعــــــــــزيني



قضى عمري و انا أعطي غيري بالفرحة و انا ضامي
أفرحهم و أجاملهم و انا بحر الحزن فيــــــــــــــــــــــني



كبيرة حيل طعناتي و كبيرة ارماحي و اســـــــــهامي
أطيح و رافع ٍ إيدي أبي أحد ٍ يـــــــــــــــــــــقويني



أبي أي شخص يفهمني و يواسي جرحي الدامي
أجي كل يوم متضايق و أبي من يواســــــــــــيني



ملامح وجهي عطاها الشقى و الهم و اوهــــــــــامي
كأن الوقت في عمري خلق ضيقة تخــــــــــــــاويني



أجي بك يا زمن أركض أسابق خــــــــــطوة أقدامي
و مصيبة يوم انا جيتك من الأحزان تســـــــــقيني



وصلتك يا زمن ميت أبي تجمع لي احــــــــــــطامي
وصل لرحمتك و أنت و ضميرك لا تخلــــــــــــيني



و ربي قمت احـــــــــــس إن الألم يفرح بــــــــآلامي
و حتى أصابعي بيدي تساوت عندي بعيــــــــني