ياك االجواب

أنـا مجـرد تسليـه فـي حيـاتـك = الهم لي و الـود و العطـف للغيـر
عرفت قصدك وأوضحت لي صفاتـك= سني أصغير ،،ولكن بعقلـي اكبير
لو ما أنطقت لي بالحقيقـه شفاتـك = وجهك يترجم لي اصحـاح التعابيـر
ما هوب أنا إللي يخدعه لي شراتـك = لو كان حسنك فاق وصف المشاهير
حسناك حسنك وين باقـي إحسناتـك = سَيّاتـك أكبـر ثقلهـا بالمعايـيـر
أنـا بشـر لَيكـون هالشـي فاتـك = لي قلب و أحساس ٍ وعقل ٍ وتفكيـر
ليش إنـت أنانـي و إتحيـز لذاتك = قَدّر شعور الناس.. هالحال ما ايصير
أَنصـت لهرجـك وآتسمـع شكاتـك = وأهتم من بلواك و أسعى لـك بخيـر
وإذا وصلـت لغايـتـك وأمنيـاتـك = جزاي منك قولتك خير يـا طيـر !!
تصرفاتـك دمـرت لــك غلاتك = إللـي فقلبـي حايـزه كـل تقدير
اليوم شفني مقفي ٍ مـن حماتـك = أودعـك وأقولـك فالسعـه سـيـر
راجع..راجع حساب الماضي بذكرياتك = شِفْ ّمن علىالثاني بدا مِنْه تقصيـر
يمكن بعـد فقـدي تجَمِـعْ شتاتـك = هذا...إذا في منهجـك صـار تغيير
الله يـا ذا الكـون معظـم بهـاتـك = إذا نظـر لنسـان فيـك بتبصـيـر
من عاش نورك وإجتنـب مظلماتـك = يرقا بشانه فـوق رؤوس الشناظيـر
و إلا غريـر الوهـم تـاه بجهاتـك = حلمه تبعثر مـا لقـا لـه تفاسيـر
ياك الجواب وصفوة القـول جاتـك = يا من عليك الكف بوداعـي إيشيـر
خذها نصيحه و إنت حـر بحياتـك = عمر العواطف م إنشـرت بالدنانيـر