((عابرت القارات ؟؟؟))

السلام عليكم ورحمة الله وبركاته.
فردا لاعتبار إخواننا التماسيح وما حل بهم من حش وتريقة حاولت جاهدا أن ابذل قصارى جهدي في البحث عن خبايا (السحالي) في المنتدى وقد لقيت ما يسركم أيها (التماسيح).

فهذه عضوة من أعضاء المنتدى لكن ما سترون أنها صاحبة مواهب جمة وأشياء مثيرة:

فقد اصطادتها كمرا البرنامج وهي في احد رحلاتها التسويقية:

فتعالوا شاهدوا تلك العضوة واحكموا بأنفسكم:


التقطت لها تلك الصورة وهي في احد شوارع الرياض عائدة إلى المنزل بعدما كانت تتجول في(اليورومارشية)

فأجرينا معها تلك المكالمة الهاتفية:

* الو /السلام عليكم.
# وعليكم السلام مين معي.
* معاكي أختي برنامج (اكتشاف المواهب)
# يا هلا فيكم.
* ممكن تعرفينا عن نفسك أختي.
# معاكم وبكل فخر أختكم (العناااااا)
* يا مراحب (لا وفرحانة بخشتها شكلها أول مرة ترد على الجوال)
* لو تحديثينا اختي عن بدايتك في هذه الهواية؟
# اييييييييييييييه من زماااااان كانت بدايتي (بعربية أطفال) وتولعت بها ثم لما صار عمري عشر سنوات اشتريت (سيكل) وها أنا الآن على (الدباب) وفي الخطة الخمسية الجاية افكر بإقتنا (وايت 30 طن).
* مشاء الله شئ جميل (أصلا باين من الشكل الله يخارجنا).
* حبينا نسألك عن الرحلات إلي قمتي فيها على ظهر الدراجة النارية؟
# كانت بداياتي مع عيال الحارة والبقالة ألي بجنبنا ثم تطور الوضع وسرت أروح الحارة ألي بعدنا على طول ثم مرة من المرات دزيت (الدباب)وغيرت له زيت وعبيت بنزين ولا وقفت إلا في (تبوك).
* يالله من جد تتكلمي!
# اجل شايفني انكت معك (وبعدين لا تقاطع كلامي لا أرصعك بالدباب.
* آسف آسف معلش اختي (العناااا) تفضلي.
# بعد ما وصلت تبوك كان الجوذيك الأيام برد قلت يا بنت ما لك إلا مصر.
* يااااااااي أما ذي.
# أقولك ولا كلمة والا أصك السماعة في وجهك قول (كذابة أحسن)
* معلش ماهو قصدي بس رحلة مرررة حلوة على العموم اسلمي(يارب تقفل السماعة وتفكنا من البكش ذا)
# ايش اش تقول.
* لالا أنا اكلم صديقي بجنبي (الهاااااشم)جالس يضحك (كنت مشغل الاسبكر هههههههههه)
* تفضلي كملي.
# ولا أخذت في الخط من (تبوك) إلى (مصر)إلا ربع ساعة مع إني ما كنت مسرعة وابسط فيها يومين في (شرم الشيخ) قلت في نفسي يا بنت ارجع السعودية والا أكمل قلت خلني ادز الموتر على فرنسا.
* صحيح إلي سماك (عابرة القارات).
* عاد هي انتفخ رأسها يوم قلت الكلمة ذي وتعال شوف.
# أكيد أكيد ورحت محلات كثيرة بس ما شفت زي بلاد (النيجر)مزارع وخضرة ودنيا ثانية.
* حتى (النيجر) رحتيها؟
# هههههههههههههههههههههههه قل وش إلي ما رحتيه؟
* طيب لما أخذنا لك الصورة كان معاك في المرتبة (كيس)وش إلي كان جوته؟
# هذي يوم تقضيت من (اليورومارشية)كان في الكيس(شباصات-وأربعة مشطات شعر- وجل-وحلاوى بقرة)
* نشكرك على أن اعطيتينا قليلا من وقتك ونأسف على الإطالة معك.
# إي والله تراك أشغلتنا وراي رحلة إلى(بانكوك)الحين شف الدباب يحمى.
* على العموم اختي(العناااا)أنا راح انزل المكالمة ذي في الصحف المحلية (عادي).
# ههههههههه (عادي جدا)أصلا منت أول واحد أسوي معه لقاء تلفوني وكلهم يقولون نفس الكلام ولا ينزلون كلامي في الصحف ما ادري ليش شايفيني (بكاشة)والا ايش على العموم تسلم اخوي (الولهان)على اللقاء الجميل ومع السلامة.
* نحن شاكرين ومقدرين وألف شكر (باي)

طاط طاط طاط أنقفل الخط.
على بالها بانزل الموضوع ذي والله ما هب صاحية أقول الله يخلف عليها.
على العموم اسمحوا لنا وخصوصا الاخت (العنااا).
واحد خايف من (العنااااا)منقوووول هههههههههههههههههههههههههههههههههههههههههههههه.

ولكم تحياتي.
أخوكم: (الولهــــــــان)aasw
والحلقة الجاية مع واحد من الشباب؟؟؟؟؟