خــاطب الــوجــدان

بسم الخافـظ الرافـع بسـم القاهـر الديـان=وبسم اللي سبك سبع ورفعهـا دون عمدانـي
بدعت حروف ناقيها لها وسط الحشا ميـزان=بدعت ولا عجزني قاف ولابالقـاف كِسبانـي
سلامٍ سلسلٍ سل السيوف وخاطـب الوجـدان=تحرك في سما نبض القلم والحبـر شريانـي
خطى خطوة أسيرٍ بالحزن مبني على الحرمان=تعثر وانتصب حس(ن)كثر ما ارضيه زعلانـي
يقول الليل ونجومه قمرها تـو بعـد مابـان=وأقول العلم عند الله قـدر مكتـوب حرمانـي
على درب الرجا بمشي وعندي بالأمل سيسان=قناعه والثقه باللي خلـق بالطيـن إنسانـي
أخذت من الفرح دانق شربت من الحزن كيسان=كسبت من الولي رحمه تعـزز قـوة إيمانـي
أنا مانيب يائس من هبايب نسمـة الرحمـن=لكن من شقا نفسي أشيل الصـوت طربانـي
أغنيها على بحـور وبحـورٍ مالهـا شطـآن=وبحور(ن)موجها عاتي تحيـر كـل قبطانـي
ينادمني على اشجاني عذوب بحالتي شفقـان=وهو حول الحمى يرعى وانا من قاصي وداني
أنا ماهمني هرج الحسـود وكلمـة السفهـان=عزيز وحافظ(ن)ذاتي شطير السيف شامانـي
أنا من راس قوم(ن)له على مر الزمن حسبان=ولا هانـت قبايـل ديـرة التوحيـد جيرانـي
ألا والخاتمه صلّوا على سيـد ولـد عدنـان=رسول(ن)بالشفاعه خصّه الرحمـن فهمانـي

سسسسسسيف الساهر