الحب الاءجحافي

أمانه دامك معزم تعكر جوي الصافي .... طلبتك والطلب ماهوصعيب وخابرك تجرا

دخيلك لاتعذرني ترى اللي عشت به كافي .... مدام انك مخربها وتالي عيشتي غبرا

أبيك تعدني ظالم ظلمك وجيت تستافي .... ابيك تهب بأعماقي رياح وعاصفة صحرا

ابي دوامة اعصارك تحطم كبرة اشعافي .... وابيك اشدمن قيظ الهجير على ارضي الخضرا

تجبر واكتبر واكسر عنادي واظهراضعافي .... ترى قلبي ولدنعمه لوأغلب عيشتي فقرا

بليت بهمه وغمه وطيشه مرهق اكتافي .... يدوب ان تزعله عذرا وجرجرني ورى عذرا

تعبت ارجي متى تضوي فتيلة حظه الطافي .... عسى القى عذرمن نفسي يثمن تعبة المسرا

ابيك تبث احاسيسك عليه بكل الأطرافي .... تعلم قسوة الحجاج فيه وعنجهة كسرى

توعدله بترويعه تحلف به تحلافي .... ترى المريد مايمشي ويبصرعينك الحمرا

عساه يزين له عالم غرام الحب الاءجحافي .... وينسى سالفة وهمٍ طوتها الليله السمرا