زهـــــــــــور الـــــريف

في شفاتك جمرة وقّدت فيها بلل= أتذوقها وانا الخوف فيني احترق
لك ثنايا كالبرد خلف جمر مشتعل = أحرقت لي خافقي يوم بارقها برق
ساطع نورك كما البدري ياضي لأكتمل=تعدلين الشمس بشعاعها وقت الشرق
انتِ يا ريح الخزامى وياريح النفل=يازهور الريف يانسمة الوادي وارق
اي حس دون حسنك يفل ويضمحل= مايكفي صدق الاحساس مطوية ورق
غرني الابحار بعيون كاسيها الخجل = لين ارست بي السفينه على موج الغرق
كل شي فيك مذهل ويالله احتمل=رهبة الموقف حذتني وقلبي انسرق
ترتجف خطوات نبضي على نار الملل=وتاهت الاشواق مني بدرب المفترق
والمشاعر ترتعش كان صايبها شلل=وأمتلكني صمت مذهل وبللني العرق
ياسحابة صيف مرت تمطر بالعسل=خلقك رب خلقني وفي خلقه فرق
شارد ذهني وفكر وليلي مكتحل=بالسهر والنوم في العين مقلقه الأرق
أتركي فرصة لو بصيص من أمل = وارحمي قلبي وهمي وخوفي المحترق