حنيــــــــــن000 //%//

يامــــاخـــذ منـي صفـــــاتي وفنّي = وقلب مــــع نبض تحنحن ضلاعه
مـاأشبـــه لأحــد ولاحــد(ن) مشابهنّي = كل عـــلى كيفـــــه يشكّــل طباعه
شريت حــب اللـــــي بحبـــــه فتنّي = شـــــريت قلبــه بالغـلا يوم باعه
أنقدت لأوصافه وهي بعض منّي = بعضي يحـــن لبعض في كل ساعه
رحـــل بكــلي بس حـــولي وعنّي = غــــديت مثل المنقطع عن رباعه
أســـرجت خلفــه نبضي المتعبنّي = لعـــلي ألقى في ضمــــيره شفاعه
حبــه على باقي شعوري محنّي = وأدمــى خيالــه نبض قلبي ولاعه
بحــره جذب مـركب هواي ورهنّي = في لجّـــة أمواجه تصافق شراعه
أستوطن أفكـــاري وحلّ وسكنّي = يدري أن قلـبي له و سهل إنتزاعه
يامـــا حـــلا الدله مـع متع بنّي = في مجـــلسٍ خلّــــي يـــزيده رفاعه
يحبنـــــي بالحيـــــــل دوم ويحنّي = وأنا أحـنّ لشـــوفتـــه وإجتماعه
أن جيت أغنّـــي له يجيني يغنّي = يخجـل غنايه وأنطرب من سماعه
شمــس ومــرايه صار كنّه وكنّي = إذا نظــــــر لي ينعكس له شعاعه
كـم مـــرة بالحلم جاني حضنّي = وإذا ســرى دمعـــه يـــزيد إندفاعه
غــلاه متعـدّي حــدودي وضنّي = المــوت مــوتي لـو يطري القطاعه
ماهمنــــي لوقالــوا فلان جنّي = همي لا يطلع أخ لي في الرضاعه