@وصيـــــــــــــــــــــــــــــــية شـــــــــــــــــــــــــــاعـــــــــــــر@

يا جماعـــة الربع هذي قصيدة واحد من يم الشمال يم حايل وشمر يوصي اهله فيها يدفنونه
جنب قبر حبيبتــــــه

لاياهلي لامت والموت مضمون**ذالحين ولاياهلي بعد حيني

مافي داعي للبكا ليش تبكون**لاهو بيديكم ولاهو بيديني

اهل الهوى قليل منهم اللي يعيشون** وسط القبور من الهوى ميتيني

حتى وان ماتو تراهم يعانون** ونتهم ويجاذبون الونيني

انا بوصيكم عساكم تحفظون**وصية الراحل مع الراحليني

لاتقبروني خافو الله تكفون** الابدار يسكنه نور عيني

والا وضعتوني في قبري تقولون**للي قتلني بالهوى كلمتيني

هذا قتيلك مات راضي وممنون**والشاهد الله والورى شاهديني

السنين والحرمان والذل والهون**والبعد والهجران والصبر شيني

واليوم في دارك وعندك مدفون**لوكنت قاسي قلب قلبك يليني

يمكن دموعك فوق قبري يهلون**تسقي ثرى قبري لودمعتيني

دمعة حزن تجري على خد محزون**ودمعة ندم فيها الاسى والحنيني

ودمعتن بددت همن بالقلب مكنون**ودمعة تطفي نار جرحي المكيني

واقول للي تحت الثرى كنت مديون**واليوم سامحتك على كل ديني

ودمتم سالميــــــــــــن