@@ قصتي مع المنتدى@@

إلى الاخوة اعضاء منتدى بني عمرو المحترمين
السلام عليكم ورحمة الله وبركاته وبعد
أحب أن أطلعكم على قصتي مع هذا المنتدى الرائع بكل ماتعنيه كلمة راااااااائع ,,,
فلدي إثنان من الاصدقاء من بني عمرو وكما قيل ((رب أخ لك لم تلده أمك)) من أعز الاصدقاء,,
وقد كان لدي مبدأ قصيده ولم أكملها لعدم تفرغي لها ,,, وفجأة دخل أحد هؤلاء الاصدقاء وهو الاصغر الى المستشفى في القاعده الجويه في المنطقه الشرقيه وقد كان لديه عمليه بسيطه ومن باب الخوه والصداقه قمت
بزيارته...,,
ثم رجعت وأكملت قصيدتي وأسندتها على والدهم الذي أعده والله والدي/أحمد بن محمد آل محمد العمري(أبو نايف)
وهم من منطقه في تهامه يقال لها((خاط)) ولا أدري كم تبعد من النماص ,, المهم اليكم القصيده :

سر ياقلم تاه الفكر صار منحاس=هواجس الايام كثرت براسي
مشيت فأوساع الفياقي والارماس=وعديت في روس الجبال الرواسي
لا مدور(ن) حاجه ولاني بعساس=أدور السجات وأرض الوناسي
وخوة نشامى فعلهم يرفع الراس=ينزاح تفكيري ويجلى عماسي
في طرقة(ن) ماحدها حد وقياس=ماحدها الشاطي ومينه مراسي
واللي معي في الطيب ساس(ن) على ساس=الكل منهم قرم والباس قاسي
نايف خويي ... ونواف قاسي الباس=لعل ماياتيه شر(ن) وباسي
واللي لغبات المواجيب ماقاس=أبوي((أحمد)) محزمي تاج راسي
يانايف إحمل لي جواب(ن) بقرطاس=للي لحكم الطيب حكمه سياسي
سلم سلامي لبو نايف ولا باس=وعساه للي فات ماهوب ناسي
للطيب قول وفعل وإدراك وإحساس=وخبر لبو نايف فيه رقمه قياسي
وللرجل في صدور الرجاجيل مجلاس=ماهوب مجلس معتلين الكراسي
ولولا الغلا في القلب والراس حساس=ماكان في بالي لذكره حماسي
قلته وأنا للنبض ماني بجساس=أقدر الرجال وأعرف مقاسي
هذا سؤال(ن) مختصر بين ((الاقواس))=للي لرد العلم ثابت وراسي
وختامها من فايح المسك نسناس=سلام ماجاء للبروق إقتباسي

ايها الاخوه أرسلت هذه الابيات وأنا لا أدري أنني طحت لي في شاعر حث قام بالرد على القصيده :

جاني كتاب اللي عزيز(ن) من الناس=نايف عريب الجد طيب(ن) وساسي
أروى معاليق(ن) من الوقت يباس=ذكرني هل الطيب شروى دباسي
أرسل بيوت(ن) عندي أغلى من الماس=تكسى حرير وتستحق المكاسي
تشفي جروح اللي من الوقت منحاس=يشهد لها قلبي وخمس الحواااسي
وقفات صامل ماهو بهرج هلاس=يكرم عن أهل الهينه والخساسي
وأنت ولدي لا تضرب أخماس بأسداس=ياشوق ترفات العيون النعاسي
((........)) وفي شرواك مانقطع الياس=واللي يشكك في هل الطيب خاسي
مادام خوتكم كما نور نبراس=على الوفا والطيب ياتاج راسي
آمر تدلل لجلك الصعب ينداس=والقدر واحد لوحسبت القياسي
وأنا أنا لو زاد همي والاتعاس=مأغتر بالدنيا وزين اللباسي
ترى الذهب يالذيب مايقلب نحاس=لو طال عمره مايجيه إنتكاسي

هذه قصيدته وبيض الله وجهه ووجيهكم على كل حال,,,,,



وبعدين أيها الاخوه أهدى علي احدهم شريط ((عرضه)) جميل وأعجبت فيه حيث كانت المحاوره تدور حول الزعيم الليبي
معمر القذافي وعرفت أن من ضمن الشعراء (( الخراشي)) ولكن أجهل يالربع طريقة العرضه حيث انني لم أتمكن من رؤيتها ونحن لعبنا أو عرضتنا مايسنى بالصفين حيث يقترب أحدهما للآخر ثم يعود وهكذا,,, أو الدوره


فإذا مافيه إحراج يالربع أبغى واحد من الشعراء المتواجدين في المنتدى لكي أتحدث معه في هذا الموضوع
وسوف أكون ممتن له .... للمراسله
al-naif1@hotmail.com

وتقبلوا تحياتي / عاااااااااااااشق الجنووووووب