حتــــــــــــــــــــــــــى أنا

،،،،، منقـــــــــــــــــــــــــــــــــــــــول،،،،،
هــم ّ..
ما يوجع سوى قلب مهموم
دم ّ..
صب ّ من الغيوم
كان وجه الوسم..
سحابتين و رسم
وتفاحة الذنب العظيم
ذنب ٍ عظيم
إرسميها.. إقسميها
بين أنامل جدّي العود السقيم
ذنب عاقبني
وعين ٍ يكحـّلها الحسد
كانت تراقبني


إيــه شاعر..
و كل ما أملك كلام ٍ كِـذب
عـّذب
مثل ريقك
بس فيني.. جرح ينزف.. كل صدق الأرض يوم مرّتني عيونك..
كنت أصلّي الفرض.


يا بنت..!
عـيـّا ينكسر فيك الشموخ..!
إنزعي شال الجبين
وإخرجي و الجيد فارع
إجمعي بعض الغرور من الشوارع
أوراق.. طارت لك حمام
اسم وبعض أرقام
والملتقى شارع..!


مالك بهم..
الشاعر اللي ما كتب بعيونك النجلا يشاهق
الله.. يا كبرك بعين المراهق
اللي يجيك إلى انقفل بابك
جايب لك أحبابك
رغبة هشا نشاش
تطير بك مثل الفراش
ويقضي النقاش
وهناك.. منهو قوي الجاش؟
منهو قوي الجاش؟
إلا أنا


فنان و فنانه
محّاره و دانه
ما نكون إن ما تكون
ومن يغني للعيون..؟
إلا أنا

طفلة ٍ بين الدمى
في عيدها
تطفي الشموع
وطفلة.. تموت بجوع
مجاعة..
خبر بكت منه الإذاعة
لا.. لا تصدقهم..
إشاعة


أمر خطير !!
القتيل اللي محد ياخذ له الثار
الضمير!!!
أمر ٍ حقير!


صحافة
دام به شي ٍ نخافه
كل ما يكتب سخافه
إنقد اللي هامته
ما تعدى قامته
و أكتب بكل الغموض
اللي فعيون حبيبتي
وتكون ما مثلك يكون
الكاتب.. المجنون
طفل ٍ شقي
يبلل الطين بثيابي


طفلة.. و أم ٍ أرملة
أسئلة.. وعلامة استفهام
من يقتل اسراب الحمام؟
الجوع و إلا هاجس الأوهام؟!
جريئة.. أفكاري
جريمة أفكاري
قارئ غبي
يقلّب جروحي
يبعثر جروحي
لا يلعب بروحي
نحتاج قارئ ما يبي


مجلس عتيق
هذا غريب.. وذا رفيق
شباب والسيرة.. بنات
ذياب يا ويل المهات
مسكينة ٍ بنت الشفاه
مسكينة ٍ بنت العيون
كلهم جذّاب
كلهم لعّاب
كلهم كذّاب
كلهم كذّاب
كلهم كذّاب



حتى أنا !!!








* من روائع الشاعر طلال الرشيد –رحمه الله-