يا بعد قلب امك

قصيدة غالية على قلبي كثير وراعيتها غالية على كثير كثير
والقصيده تعبر عن قائلتها

يا وليدي اللي في حشاي فزيت=ودي دقيقه منك جاوب علي يامك
يا وليدي اللي كل ما غبب حنيت =واتذكرك يومك معاي والمك
يا وليدي اللي كل ما قمت صليت=اسجد لربي واطلب يزول همك
يا وليدي علمتك واسمك تهجيت =وايات هالمصحف تجري وسط دمك
ياوليدي زوجتك وزينت لك بيت = وازعل اذا واحد من هالبشر ذمك
ياوليدي ارحمني وش فيك صديت=ياليتك تجيني ياليت واشمك
ياوليدي كلمتك جوال دقيت=والظاهر الهاتف مشغول من يمك
ياوليدي الدنيا سوووووودا من اقفيت= وين انت يا وليدي وجدي على ضمك
وش مشغلك عني وشبك تخليت =تكفى تصارحني يا بعد قلب امك

امنتكم بالله كل واحد عنده ام او اب او اخوه او اخوات يتذكر متى اخر مره جلس معاهم جلسه عائليه وتبسم وسولف

وبعث السرور في نفوسهم !!