فايق لايق رايق خلي صدرك مش متضايق

كنت فايق لايق رايق ابد صدري مش متضاايق دخلت منتدى بني عمرو قلت خلني اقرى واتسلى اشوووي
دخلت انا وسكوني ادور شي ارد عليه ادور شي اتفسلف فيه الا وهالادمي بخشتي
الله يهديه جايني مهرول تقووولون بسباق الهجن <<<< الله من سوالف
طبعا هالادمي اهو مفارق الخلان
وقفت بوجه وسكرت عليه الدرب وقلت له وش سالفتك
قال فيه حريقه !!!!!
وين وش السالفه ؟؟؟؟
قال ابد خشيت ابي اشيك على موضووع من مواضيعي الا واسمع هالانفجار
السيكا / عسى ما خلاف
مفارق خلانه / ابد سعيد العمري مسكت معه الا يحفر بير ارتواز بالموقع يقول عشان يرتوي الموقع ويثمر
السيكا / جاي تنكت علي
مفارق خلاانه / لا والله هذا اللي صاير
السيكا/ طيب وش دخل الحريقه ببير الارتوز
مفارق خلانه/ ابد ابو الشباب جايب دنميت <<< متعودينا عليها وقام فجر بمكان البير واخونا في الله شكله جايب حموله دنميتات وقبست بعضها ببعض الا والنار شابه في كل محل

السيكا/ فال الله والا فالك عز الله الا الوجه النحس ... طيب وش السواه الحين
مفارق خلانه / ياخي انا فاضي لك الحين والا فاضي لمواضيعي اللي راحت مدري من وين اقعد اجمعها


السيكا / وسع صدرك بتعيين خير .... الا سعيد وينه عسى ما جاه خلاف
مفارق خلانه/ سعيد متعلق في المنتدى العام يبي له ونش ينزله وانا ماني فاضي له


<<<<<<<<<<<<خش علينا المسكت بيده سن تووووب


السلام عليكم ورحمه الله وبركاته

السيكا+ مفارق خلانه / وعليكم السلام والرحمه

المسكت / فرصه سعيده واجتمعتوا وينكم من اول ادور عليك
م
السيكا/ خير وش عندك

المسكت/ ابد يقوولون مشرف منتدى البرامج اعرس ونبي نجمع له العانيه

مفارق خلانه / والله انك رايق انت تبي تجمع له القطه وانا من يجمع لي مواضيعي المنتثره بكل زاويه

السيكا/ اوووووف ابلشتنا انت ومواضيعك تعال يالمسكت انت وينك فيه هاليومين مالك شووووفه

المسكت / ياخي اسوووي رجيم ذبحتي العصيده ما تقووول الا بلك ببطني

مفارق خلانه / اقووول انتم وين وانا وين ساعدوني القط هالمواضيه تراكم رفعتو ضغطي

السيكا / خذ معك المسكت يعرف يدور زين والله من الدحلسه بها الموقع ما فيه موضووع والا رد الا وعنده خبر عنها ودور لك هالخبله ااااووووووووش تراها تمشي بطبلووون طياره واذا تبي مدقق املائي لا اوصيك بالوفااااء تراها تعجبك
اما انا والله ما فيني حيل <<< زوووووول

الوفاء تاكيه تراقب من بعيد مدري وش عندها
صادها مفارق خلانه ولا صدق على الله
مفارق خلانه / يالوفاااء تعالي وش عندك وش تسوووين
الوفاااء / اسقي الغروووس
مفارق خلانه / تعالي بلا غروووس بلا نيله تعالي ساعديني تراني محتاج فزعتك

الوفاااء/ ولووو تامر امر اخ عزيز وغالي

السيكا / تعال يا مفارق خلانه نويتووو ترووحون وتخلوون سعيد الضعيف معلق
مفارق خلانه / (يداه اوكتا وفوه نفخ ) وانا وش دخلني مكلف فيه

السيكا / يعني بتخليه متعلق

مفارق خلانه / وانا وش دخلني خله يقعد مو ميت لو قعد يوم او يومين والا تدري خلووونا نرووووح نرجمه بالحصى الى ان يطيح ونكون نزلناه

الوفاء + المسكت / وش السالفه

السيكا/ ابد سلامتكم روحو ساعدوه بس وانا اشووف لي حل

السيكا<<<<<<< رقد نسى الموضووع

سعيد العمري يوّن ويصيح ما فزع له غير راعي الشقحى وسيف الساهر


الموضووووع عباره عن عده حلقااات وجودك هو دليل استمارايته وانشاااء الله نجيب السوالف كلها هنا ونسوووي نشر غسيل للكل



تحياتي لكم
ودمتم بود
اخوكم
السيكا ميكا