احذروا النصابين !!

منقول للأهمية
حدث معي شخصياً

اتصل بي شخص من رقم غريب .....!!!
بدا بالتحية واخذ يعرف بنفسة



معك احمد غلام من شركة الاتصالات السعودية ( stc ) سوا



قلت: تفضل
فقال : لقد ربحت من شركة الاتصالات السعودية جائزة بمبلغ 200 الف ريال سعودي
اضافة الى 3 اشهر مكالمات داخلية وخارجية مجانية
قلت : طيب والمطلوب مني
قال : بعطيك رقم الشريحة الخاصة بجوالك عشان نتأكد انك انت الفائز بالجائزة ورقم الشريحة هو 899660 والمطلوب منك الان تقفل جوالك وتخرج الشريحة وتتأكد من رقم الشريحة واتصل فيني اذا كان مطابق لرقم 899660



قلت : طيب وبالفعل طفيت الجوال وطلعت الشريحة وشفت الرقم المسجل عليها وهو نفس الرقم الي عطاني 899660 وعلى طول ماصدقت خبر انا فايز بالجائزة 200 الف ام الفله ياشيخ وعلى طول رحت اتصلت علية وقلت له الان طلع رقم شريحتي نفس الرقم الي عطيتني



قال: مبروك الف مبروك ياشيخ انت في اي مدينة
قلت : من الرياض
قال : طيب احنا في الشرقية ونبي رقم حسابك ورقم بطاقة الاحوال عشان نحول لك الـ 200 الف ريال



قلت :وشلون شركة الاتصالات مالكم مكتب الا في الشرقية المفروض اني فايز بالجائزة معناها لابد يكون فية شيك بأسم الفائز مو تحويل بنكي ( هنا انا دخلني الشك واستغربت من طلبه رقم الحساب البنكي )
قال: لا مالنا مكتب الا في الشرقية وانا الحين لازم اسجل رقم حسابك البنكي و رقم بطاقة الاحوال المدنية ولا بتروح عليك الجائزة
قلت : قلت مافيه مشكله شوي واتصل فيك



المهم اني دقيت على واحد من العيال يشتغل في الاتصالات السعودية وسألته قال انتبه من هالنصابين وسألته بخصوص رقم الشريحه 899660 قال هذا الرقم موجود على كل شرائح الاتصالات السعودية مهوب على شريحتك بس وفعلا انا فتحت اكثر من شريحة وطلع نفس الرقم ( 899660 )

لذلك احذروا من هالنصابين
نقلته لكم لأخذ الحيطة والحذر
حسبي الله ونعم الوكيل

حسبنا الله ونعم الوكيل

بالفعل مقلب وقوي بعد

لاهنت يا ابو فهد

والله إلا بغت تروح عليك يا أبو فهد

لكن ربك ستر

وحمداً لله على سلامة رصيدك

وشكراً على التنبيه والتحذير

والله يكفينا شرهم لديهم طرق وأساليب مُقنعة


دمت ودام الجميع بخير وفي خير وفي عقلانية وسلامة

حسبنا الله ونعم الوكيل ..
قمة الإحتراف في النصب ..
شوف كيف وصلوا إلى فكرة وجود الرقم الموّحد بالشرائح ومن ثم يكون مدخل لهم ..
لاهنت أبو فهد وتسلم على نقلك للخبر ..
تقديري لك ..

زاهر ال عابس

شكرا لمرورك بارك الله فيك .

نبع الغلا

شكرا لك على مرورك بارك الله فيك وابشرك ماهو انا انا نقلته نقل وبينت ذلك في اعلى الصفحه الخبر منقول على لسان شخص اخر اما انا فانا مستعد اعطيه ذالحين عساه الى شاف الحساب يتصدق بما تجود به نفسه . اللي يعمر تلقاه مديون هههههههههههه

ابو ريان

ولاتهون يالغالي ورأيت من الواجب وضعه هنا حتى لاتنطلي على احد والحاضر يبلغ الغائب .