09-23-2010, 06:56 PM
|
|
يوم النوم أم يوم الحوادث !!!
عصر اليوم الخميس ( اليوم الوطني ) لدولتنا أعزها الله حدث لي هذا الموقف فوقت كنت أقف بأحد الإشارات المرورية تفاجأت بسيارات ملونة بألوان جميلة وتسير بموكب رائع وتحمل الأعلام قادمة من الوراء بالنسبة لي وللسيارات الواقفة بالإشارة واللي حدث أن أحدهم أستمر بالمسير حتى أصطدم بسياراتي وأخذ شمعتين في طريقة ووقتها انفعلت بصراحة ونزلت بسرعة ونزل من السيارة المقابلة ثلاثة من الشباب فقلت يا شباب وش هذا الأسلوب ووش هذا التعبير بصراحة شوهتوا اليوم الوطني وهذا اللي نحذر منه دائماً إثنين منهم يتأسفون ويقولون معليش وبسيطة وكذا ، والثالث اللي هو السائق ساكت واخيراً نطق وقال يا اخي انا لم اقصدك قلت ادري بس يهمني تعرفون إن تعبيركم خطأ ويجب أن تتعلموا المعنى الحقيقي لليوم الوطني ففاجأني بسؤال وقال :
أنت وش تعمل وماهي وظيفتك بصراحة بردني شوي وقلت يا اخي تصدمني وتحقق معي قال سؤال وتكفى أجبني قلت ( مدرس ) وش تستفيد قال اهاااااا أنتوا اللي تلاقونها المهم إجازة بمثل هذا اليوم ( مضمونه ) وتقضونه بالنوم 
( يالله لا تربح عدوه ) احنا بايش ولاّ بايش والحقيقة ( لحس ) مخي شوي وزاد وقال وش دوركم بمثل هذا اليوم فقلت السبت لنا مع الطلاب كلام بحس آخر غير ما أنتم عليه فقال شف مثل هذا الحادث قد يأتي بوقت غير هذا اليوم فلا تعتبر
التعبير الذي نقوم به مسيئ بقدر ماهو فرحة لأجل الوطن وتعبير عن مشاعر وكل شيئ بيد الله لو حدث مثل ما حدث معك ..
في الأخير قلت له برضه تعبيركم فيه نوع من الفوضى فعليكم بالتروي واحسان الطريقة ..
المهم قلت انتهينا وطلبوا مني أن آمرهم بشيئ فقلت لا سامحهم الله والسلام ..
الحين يا جماعة تشوفون في كلامه صحة وإنه أقنعني ولاّ وش تشوفون بالله ..
كل التقدير ..
|