يقول القلب

[poet font="Simplified Arabic,4,purple,bold,normal" bkcolor="transparent" bkimage="backgrounds/1.gif" border="none,4,gray" type=0 line=200% align=center use=ex length=0 char="" num="0,black" filter=""]
ابد والله سمعت بطاري عيونك وجيت اغلــيك
يقول القلب سلملي عليه ويطلب وصالــــك
حبيبي وش تقول بعاشق قصة غرامة فــــيك
نسى الدنيا ومن فيها وجا ينشد عن احوالك
حبيبي جيت لمصافح مواعيد الفرح بيديـــك
وجيت اعطي يمينك حب ماتدريبه شمالـــــك
اشوفك واسمعك قبل اعرفك واشتاقلك وابـيك
واحس ّأمال عمري من عرفتك تشبه امالــــك
انا ما عشت قبل اعيش بحساسك وقبل اجيــك
حبيبي جيتك بقلبي ولو ماجيتك جالــــــك
احاسيسي كريمه وانت تستاهل كرم غاليـــك
ترى ما اشرقت شمسك وصل رحت اتبع ظلالـــك
يقولون العرب دار بلا مغليك ماتغريـــــك
واقول انك بليا حب كنك عايش لحالــــــك
انا لا جيت اسولف عن شعوري قمت اسولف فيك
واناادري رغم الشوق ما مريت في بالــــك
دريت ان الغلا مثل القدر يرضيك لو يبـكيك
ولا ينفعك بعلوم الغلا عمك ولا خالـــــــك
مابين الحلم والواقع يصيبك حظي ويخطــيك
متى تصبح نصيب اللي وقف بأماله اقبالــك
ولاتزعل من اللي لا زعل منك رجع يرضيــــك
ولا تطري كلام البعد فال الله ولافالـــــــك
انا لو ما تذكرتك غلا جاب الغلا طاريــــك
تعيش وتسلم لقلب على كف الغلا شالــــــك
اطالع وجهك المشرق امل وعيوني تناديـــك
واقول الله ثم الله لا يحرمني وصالـــــــــك
[/poet]

وتقبلو مني خالص تحياتي وتقديري اختكم

دلع