ولدت ساطي ومتغطرس

ولدت ساطي ومتغطرس وأحب الخصام

ولا أعترف في إدارة طبـع ولا مديـر

أوجدت نفسي مـن اللاشـي والانعـدام

نبذت فالمجتمع لانـي صريـح وفقيـر

ماكان تفكيري الا كيف أخطف السنـام

والحمد لله خطفت اليـوم كـل البعيـر

إن لم يكن مركزي بالصف الاول أمـام

ماعاد تفرق معي لو كنت قبـل الاخيـر

الله وأكـبـر ولله البـقـاء والــداوم

وهو الاله الاحد وهو السميـع البصيـر

أخذت من مدرسة أحمـد عليـه السـلام

مالا خذيته من مخاوى وزيـر واميـر

وأخذت من تجربة عبدالعزيـز الامـام

وش يصنع العلم لاخاواه سيف شطيـر

واخذت من فلسفـة هتلرعـدم اللالتـزام

وكسبت نفسي وريحت القلق والضميـر

وابشرك حالتـي دايـم علـى مايـرام

من ركعتين الصباح الين بعـد الاخيـر

صحيح عندي تحفظ عند بعـض الانـام

مثل معمر وابو مـازن وتونـي بليـر

لكن انـا مـا احـب اقلـل الاحتـرام

واذهب ضحية طموح الغرب وانا صغير

قومية المسلميـن اللـي عليهـا الكـلام

راحت مع خالد وعمرو وعلي والزبيـر

الله ولا الـذل والتخويـن والانـهـزام

ياعابدين العروش الوضع جـدا خطيـر

يابو خلف كيف حالك عل حالـك تمـام

انسى القصيدة وهات علوم اخوي الكبير

شيخ عرفته وتقريبا لـي اربـع اعـوام

يومني اجيـه لا جايـر ولا مستجيـر

يشوقني له نشوق الوسم عقـب الحيـام

في صفرة جوها ماهـو بفيـة هجيـر

الشيخ ابو خالـد محمـد عـداه المـلام

اللي يصيـر مـن الاصرارمالايصيـر

حتى الثمالـه اعـزه لاعلـي الحـرام

اني احبـه وحـبٍ لـو درابـه يطيـر

يطير مثل الوحش لاضف ريشه وحـام

وحول على الذايره بالجو مثـل المغيـر

ان الملوك اذا اعطـوك حـب وغـرام

خلوك من سائر الخـدام يعنـي خفيـر

الا انـت ياراعـي التقديـر والاهتمـام

ياللي رحمت الصغير وشلت هم الكسيـر

اذا البلاط الامييـر والكنـب والرخـام

له شاعر يدهله في صبح والا عصيـر

فانادهلـت الثريـا والقمـر والغـمـام

وحولت اداهل طرف مشلحك مالي خشير

كفـرت بالناقصـه والغـدر والانتقـام

وامنت باانك حزامي بالنهـار العسيـر

من لايقدر ثباتك مـع عكـاك الزحـام

ماهو بوالله مقدر ويش معانـي جريـر

يارا س عيطا يمسك البدء قبـل الختـام

يالنادر اللي على صيد المكـارم شهيـر

يالمهدي المنتظـر للحاجتيـن الجسـام

المدة المسكته والاخـذ بيـد الضريـر

ياسيدي ودي افهق لك ضلـوع العظـام

واعطيك شي بصدري وانت رجل خبير

انا تراني اعانـي نـوب مـن انفصـام

يوثرعلى البرمجة في راسي المستديـر

واصير احس اني البارود والا الحسـام

في ساحة الشعر من تبوك لاقصى عسير

مما يسبب لبعـض اعدائـي الاحتـدام

اللي يحسبون قرض الشعر مثل الشعيـر

والشعر وان كانه المقصود بـاول مقـام

فالله يرحم ابو الطيـب ويرحـم زهيـر

روح التنافس وحب الشيخ والانضمـام

ماهي بتعني لدى الكثرة نهايـة مصيـر

والشاعر اللي معه عزوة خوال وعمـام

تفداه وايـل وترقـب مستعـدة مطيـر

والله فلا ينقهـر والا يضيـق ويضـام

لاجاء اللزز والملاقى والقبس والنذيـر

وجمع الدراهم ماهي باكبر طموح الغلام

اللي جمع من قلوب الناس شـي كثيـر

من حبني رغم تفويتـي لـه الانخـدام

واللي كرهني فهذا شخص ملعون صيـر

دام المعـارك صغيـره ماعلينـا لـزام

ينوب عن سيفي البتار اصغـر جفيـر

قرات فيما قراتـه مـن بلـوغ المـرام

اللي ترك شـي لله عاضـه الله بخيـر

نعم الاختيار بارك الله فيك


والشاعر اللي معه عزوة خوال وعمـام
تفداه وايـل وترقـب مستعـدة مطيـر


والله فلا ينقهـر والا يضيـق ويضـام
لاجاء اللزز والملاقى والقبس والنذيـر


وجمع الدراهم ماهي باكبر طموح الغلام
اللي جمع من قلوب الناس شـي كثيـر


من حبني رغم تفويتـي لـه الانخـدام
واللي كرهني فهذا شخص ملعون صيـر
دام المعـارك صغيـره ماعلينـا لـزام
ينوب عن سيفي البتار اصغـر جفيـر


قرات فيما قراتـه مـن بلـوغ المـرام

عوافي يبو صاهود

نوااااره
الف شكر على المرور
ومبروك التوقيع الجيد

ابو صاهود

اختيار راقي وتواجد ممتع لا هنت يا غالي