لاباس يا سيد الغنادير لاباس ..

يالله ترده بالسلامة على ساس = ساسٍ بنيته له بقلبي على ابعاد
جرح الظروف اللي بدا دقت اجراس = سارت تبعدني عن الما مع الزاد
يا بحر شوقٍ كنت لك دوم غطاس = كني بعد ذاليوم ضايق بلا أعياد
ضمة وهمسة ثم لهفة ونسناس = ماهي بسيطة تختفي بس وش عاد
لا باس يا سيد الغنادير لا باس = مو عد تلاقينا ضمنته وبك ساد
يالله عسى تسعد بلا ضيق وسواس= حتى ولو تحمل على النفس بالكاد
أوعد سرايا القلب للقلب دساس = مثل الاصايل عرقها عرق الاجداد
ايه اعترف من شانها دوم حساس = افنيه عمرٍ ما انتظرها ولا عاد