اهداء خاص لبابا عسى عيني ماتبكيه

يابوي ليه تبكي كل ما شافتك وعينـك لـي ؛،؛
تخاف أموت يابوي ... وقبل الموت تبكيني

تكفى يابوي لا تبكي وأنا موجود معك وحـي؛،؛
أجل بعد الرحيل أشلون في قبري توطينـي

يابوي لو تموت الناس ماتسوىدموعـك ذي ؛،؛
وأنا يابوي ميت قبل أموت وأنـت محيينـي

قسم بالله يابوي لجل عينك شربـت الغـي ؛،؛
جرعت الهم والحرمان وبحر الويل يسقينـي

تحملت السنين اللي طوتني في عذابي طـي ؛،؛
وصار الجمر بكفوفي .. وتحت أقدام رجليني

يابوي ماعلى عمري حسافه ولا بقا بي شي ؛،؛
ولكـن بطلبـك يابـوي تكفـى لا تخلينـي

يابوي مابي غيرك يغسـل جثتـي بالمـي ؛،؛
وتكفى قبل لا أتكفن .. يابوي فكلـي عينـي

بأمر الله يمكن ألمحك وأرحل في عيني ضي ؛،؛
وودع وجهك الطاهر مع دنيـاي وسنينـي

وخل الناس تحملني وترفع راسي ورجلـي ؛،؛
وتأخذني على قبري وتكسب أجرهـا فينـي

وأذا جيت القبر يا بوي نزلني شوي شـوي ؛،؛
ووجهنـي لبيـت الله .. وقبلـه المصلينـي

وحط الطين وأدفني وعزاللي يعـزي فـي ؛،؛
ثلاث أيام يابـوي .. يواسـوك المعزينـي

ورابع يوم يابوي تذكر .. ضحكتي وعني ؛،؛
تذكر وش كنت أقول يـوم أنـك تنادينـي

تذكر يوم كنت أنام في ظل النخـل والفـي ؛،؛
تجي يمي تصب الما..على وجهي وتصحيني

تذكر جرة الموال وصوت في حبالـه كـي ؛،؛
تذكر يوم أغني لك قصيدي وانت توحينـي

تذكر ضحكتك لا قلتلك يابوي عشقي هـي ؛،؛
تذكر كم قصيدة خافيه مـا بينـك وبينـي

تذكر كل شي كان وأذكر يـوم انـا حـي؛،؛
ولكـن أسالـك بالله يابـوي لا تبكيـنـي

((منقول))
من جد اعجبتني وحبت انقلها لكم .. بس تحزن مررررررررره

















يارب ماتحرمنا جميعا برهم بصراحه بدون الوالدين وربي مانسوى شي ويارب يجزى والدينا الجنه وربي مهما سوينا ما وفينا حقهم لو نسهر ليل ونهار وربي مانوفي حقهم عسى عيني وعين كل واحد ماتبكي ابوه وامه فديت كل ام وفديت كل اب وابوس تراب رجليك يابابا وماماوربي مايحرمني منكم ومن طلتكم عليه ياروع اثنين بالدنيااااااااااااااحبكم

يابوي ماعلى عمري حسافه ولا بقا بي شي ؛،؛
ولكـن بطلبـك يابـوي تكفـى لا تخلينـي

يابوي مابي غيرك يغسـل جثتـي بالمـي ؛،؛
وتكفى قبل لا أتكفن .. يابوي فكلـي عينـي



نص في قمه الروعه والجمال

يكفي انه بالاب

جعلني الله اياكم من البارين المبرين

شيهانه بني شهر

تواجدك وحضورك مميزين جدا

واصلي

فنحن بالقرب دوما

تسلميين "شيهانه"
قصيده و لا اررروع ..

شيهانه روعه جعل ربي يحفظك


نحن دوما هنا وسنكون بإنتظارك.