(( لا تقري سطوره ))

انشروا لي .. هالقصيدة .. بغير صــورة


بروزوها اليوم .. في وسط الجــــريــدة


وأكتب العنوان ( لا تقري .. ســطــــوره)


وسجلوا أسمي في نهايات القصـــيــــدة


أطبعوه بخطٍ أصغر في ظهـــــــــــــوره


واشطبوا عنواني لا ياصــــل بريــــــده


والسبب من طبعها .. زايـــد غـــــروره


خايفٍ .. لا شافت .. الصـــورة الجديــدة


تقلب الصفحة بأناملهــــا قهـــــــــوره


لجل أنا خصيتها .. بهــــذي الفــريــدة


وأدري إنها لو قرتهـــــا إلا غيـــــــروه


ما تبي اسم التحدي .. وْلا تـــــريـــده


ولاّ هي في الشعر ما تعـــــرف بــحـوره


بس غالب طبع تطبيع الـــــعنـــيــدة


كانها للوصل تنطرني صـــــبــــــورة


يا عساها تذكر أيامي الســـــعـيـــــدة


وصورةٍ وسط الخزينة من شـــــهـــوره


مدري تلقاها أونْـها .. هـــــي فــقيـدة


والرسايل والعطر واحــــمر زهــــــوره


وقتها تتخيل الصـــــورة الجـــديــــدة


يا هي تبكي عـالقصيدة بْـغير صــــوره


ولاّ هي ترمي الجـــريدة بالقصيـــــدة

شعر .. المنصااااااااااااااااااااااااااااااااااااب


إحدى قصائدي التي نشرت بجريدة الرياضية