مثل ماجَمّعتك أقدر[ أ ن ث ر ك ]

دارت الدنيا وتبيني [ أعذرك] !
__________ نامت عيوني وعينك >ساهره

إنتي لي ماضي ومابي ..أذكرك
__________ و الغلط وياك ... ماني مكرره

قلت لك إحذري غرورك يكسرك
__________ ومن يحبّك واجب إنك تقَدّره

قبل لا تفكّر تهاجر بـ أهجرك
__________ وعدّيني غيمة حنان .. مهاجره

مثل ماجَمّعتك أقدر[ أ ن ث ر ك ]
__________ يعني راسك لو رفعته أكسره

كنت لك مثل المواني ~ أنطرك
__________ لين طاحت من عيوني الباخره

لا تظن أبكي عليك وأخسرك
__________ إللي مثلك ( لازم ) إني أخسره

يا القليل الباقي طاحوا أكثرك !
__________ في بحر - دمع العيون - الطاهره

أبقى أكبر شخص مر بـ ناظرك
__________ وتبقى أصغر <~ من نويت أكبّره

في فراقك ماحزنت آآبشرك :
__________ وكانت الفرحه معاك مسافره !

كيف ألوّح لك وأجبُر خاطرك
__________ وإنت إحساسي مكسّر خاطره

أشكر أعدائي كثير ~ وأشكرك
__________ من سبايبكم .. فقدت الذاكره ..

دارت الدنيا وتبيني [ أذكرك ] !!
__________ شفت منّك خير لأجل أتذكره ؟

إكتب الشطر الأخير بـ دفترك ،
__________ القلوب البيض .. جداً نادره !

\

.
.
وسلامتكم