((<<(( قوم مهران ))>>))

يالله ياللي محصي الأنس والجـــــآن = يا واحدٍ تعلم جميع الخــــــــــــــوافي
تمحي خطايانا وتصلح لنا الـشـــــأن = وأجعل لنا يالله من الشر كــــــــــافي
وأطلبك تنصرني على سبعة أخوان = وأجعل لهم في كل الأوقات ســــــافي
من جرمهم خلوني أصيح بـجـنـــان = وخلوني أمشي من على الجمر حافي
قاموا علينا كنهم قوم مــــهـــــــران = لكن بإمر الله تعدت عـــــــــــــــوافي
وحظي يعاندني وأنا منه عطشــــان = وفراشي الرمضاء وشمسه لحــــــافي
وفي داخلي نارٍ ماهيب أي نيــــران = حرائقٍ ما تحتويها المطــــــــــــــافي
وأسبابها ناسٍ بهم قلّة إيــمــــــــــان = ما فيهم الونعم ولا به ســنـــــــــــافي
أكرمت لكن قابلوني بــنــكـــــــران = وأعطيت لكن مثلهم ما يكــــــــــــأفي
وياحسرتي ياماضيٍ كان مــا كـــان = ويا ويل حالي من العقول الضعــافي
قبل أمس قابلت التنقد بـغـفــــــــران = واليوم أنا للأهل المناقيد جـــــــــــافي
أداري الكلمه مع كل إنــســـــــــــان= وأنظر أمامي دوم ما أنظر خـــــلافي
وأسامح الغلطان وأقول غــلـــــطـان = علمك ترى يا هيه ما أظن طــــــــافي
ماتدري إن التجربه خير برهـــــان = ولا تدري إنه ما يجيني إنحـــــــرافي
والجاهل اللي سبني دون برهــــــان = أقول له يا فاقد العقل كــــــــــــــــافي
والله لو ما الله وشيخٍ وشــــيـبــــــان = لا أعميه حتى ما يشوف إنصــــرافي
لكن ما طاوعت أنا فلان وفـــــــلان = ولا أتسمّع في خبر كل هـــــــــــــافي
وأنا على أهل الشر مانيب ولـهـــان = والقلب بإذن مكون الكون صــــــافي
دائم مع أهل الخير لي ألف عنـــوان = وسجلت للعاقل بنود إعتــــــــــــرافي
والباخره ما قادها غير ربــــــــان= يعرف يسندها وسيع المــــــــــــرافي
وصلاة ربي عد ما هلت أمـــــزان = على النبي أختم بها كل قــــــــــــــافي