وش دخلكم أنــــــا حـــــــــــــــــرهـ !!!!!

وش دخللك..؟ انا حر !



انا حر اقص شعري مثل ما ابغى!!
اعلي صوت المسجل!!
اتمشى في الاسواق واطامر ورا حريم خلق الله!!
افحط في كل مرة يفوز فريقي... او ينهزم ، لا فرق!!
ادخن ، اشيش ، ان شاء الله احشش ... ما لا حد شغل فيني!!
أسافر أروح وأجي دريتو والا مادريتو مالكم دخل!!

وانا بعد حرة... البس اللي ابغى!!
اروح وين مابغى!!
اتحجب او لا .. كيفي!!
اخذ رقم .. اطنش.. بكيفي ، ما عليكم مني!!
ما ابغى اتزوج الحين.... ابغى اشتغل...ليه ؟؟ مالكم شغل!!



!!!!!!!!!!!!!!!!!!!!!!!!!!!!!!!!!!!!!!!!!!!!

ما هي الحرية ؟؟؟ ولا عشرين علامة استفهام توضح درجة غموض هذي الكلمة اللي مات الملايين عشان كل واحد فهمها بطريقته وحاول يحققها على طريقته بعد.
الانسان من هو في بطن امه يحلم بالحرية ، والحوامل يلمسون بطونهم بسعادة ويقولون شكل الولد هذا بيطلع شقي .. كل هذي حركه؟.حاول الانسان يتجرد من كل مقيداته من زمان ،
ولما تحرر نهائيا في رأيه لاحظ ان قوانين الطبيعة مقيدته ، حسد الطير على المساحات الرحبة اللي يتحرك فيها ، قلده, فشل ,, فشل.......
واخيرا نجح لا ووصل لاماكن ما حلمت فيها الطيور .
جرب الاستنساخ لانه ملَ من وجود اشخاص جدد باشكال جدد بتصرفات جديدة .. حس إنه كسر كل القيود ..
بس باقي التقاليد والعادات والاديان..
نادى بالتحرر والحرية الثقافيه والعلمية.. وسواها جسر للحرية الجنسية ... هنا احس بأن آخر القيود قد انكسرت ... ولكن ويا لهول ما اكتشف .................

هذه المرحلة التي وصل اليها هي الحيوانية ..: :
فالحيوانات وحدها كاملة الحرية .. لا تسأل عن شئ ولا تٌسأل عن شئ..

نحن احرار بتفكيرنا لكن الحرية مسئولية .. الحرية عبء وليست ترفا... الحرية في واقعها استفزاز لمقدرات العقل وعمق الارادة ورقي التفكير...

اليه... اليها...............
الحرية ليست فعل ما نريد متى ما نريد واين ما نريد.
الحرية هي الفعل الصحيح في الوقت الصحيح في المكان الصحيح وللشخص الصحيح....

والله اعلم.