& إنكسرت من الفراق &

& إنكسرت من الفراق &

انكسرت من الفراق وشوف عيني & شوف عيني وانت تدري بانكساري


كل ما مديت لوصالك يميني & رحت تتجاهل يميني مع يساري


حتى صرت اشوف جرحك في يديني & في يديني من جور صداتك مواري


حس فيها (لا).. بلاها حس فيني & لا تعبرها ولكن رد اعتباري


وين مقفي جعل مانت منتويني & بالجفا والخوف وانواع العزاري


يا هلي.. يا نصف ربعي.. يا خديني & يا مواني غربتي يا روح داري


ياشموخي.. يا انكشافي.. يا دفيني & يا علوي يا بقائي يانحداري


يا بدايتي.. يا مائي.. يا اوكسجيني & يا اندثاري... يا اعتدالي... يا ازدهاري


يا بلادة حسي وقمة حنيني & يا اختياري.... (لا)... يا عشواء اختياري


اعشقك من عادني في اول سنيني & لين صرت اخذ مع نفسي قراري


من عرفتك وانت ثالث والديني & واللجوء اليك يعني لي فراري


ضمني خل الضرر بينك وبيني & الضرر من ضمتك شي اضطراري


خل يدينك من الجور تحميني & من جمود يعيشني لين انصهاري


كل ما ضاقت بعيني يا معيني & ابتسمت وصار لي ليلي نهاري


فلا سكت تروح بالطيش تحكيني & رجعي بطبعك وباسلوبك حضاري


ما ذبحني فيك الا انك تبيني & وما سحرني الا حكاك الاستعاري


لاحكيت احس باشياء تعتريني & وينخشع قلبي وتطري لي طواري


اعشقه حكيك واحفظه يا ظنيني & حفظ ابن تيمه لحكي البخاري


ولا سكت احط يدي في جبيني & وارجي الله ما يطول بانتظاري


ادري اني عندك واسألك ويني & داري..... لكن ماكني بداري


لين شيطاني تلفظ كلمتيني & ورحت مني ما تبي سمع اعتذاري


لاتبكيني وتفرح عاذليني & لا تخسرني بعد كبر انتصاري


لاتخليني بعد فيضة كنيني & وانت خابرني على الوصل انتحاري


لاتروح بروحتك كلن يجيني & ماني مكابر ولا حتى مداري


انكسرت من الفراق وشوف عيني & شوف عني وانت تدري بانكساري



هذه القصيدة لها الفضل في إنكساري...

أسيـــ الظلام ــــر

من عرفتك وانت ثالث والديني & واللجوء اليك يعني لي فراري

عجبتني مشكور اخوي اسير الظلام دووووم ذوق ..

ملاحضهـ (اسمكـ يجيب لي الكابهـ ترى يرجع لنفسيتكـ حاولي تغيره وتغير مافيكـ الاهم )
اسفهـ على المداخله ..

المشاركة الأصلية كتبت بواسطة خانتني نظرتي

من عرفتك وانت ثالث والديني & واللجوء اليك يعني لي فراري

عجبتني مشكور اخوي اسير الظلام دووووم ذوق ..

ملاحضهـ (اسمكـ يجيب لي الكابهـ ترى يرجع لنفسيتكـ حاولي تغيره وتغير مافيكـ الاهم )
اسفهـ على المداخله ..

أولاً : مشكورة على مرورك الرائع وإهتمامك الجميل

ثانياً : هذا اسمي من وأنا في المرحلة المتوسطة كل ما اكتب لي بيتين شعر أكتب بعدها أسيـــ الظلام ـــر ولا الطريف في الأمر أنه لما كنت في تلك الفترة

كنت أخاف من الظلام والأماكن المظلمة .

ثالثاً : أنا مافيني إلا العافية أصلاً خلاص نسيــــــــــــــــــــــــــــت... صار من الماضي حالي الأول والإنكسار اللي كنت فيه .


شكــــــــــــــــــــــــراً على مرورك العذب

تحياتي

ماهو أسيـــــ الظلام ــــر