انفلونزا الدجاج !

وشهي الحياة بـلا دجـاج ٍ ولا رز=يا اللي نهيتونا عـن اكـل الدجـاج ِ
ماعـاد للافـران داعـي ولا القـز=من غير لبّاسـات حمـر التواجـي
كل المطاعم راح تقْفل مـن العجـز=واهل البقالـة بطلـوا بيـع ماجـي
ماعـاد يقنعنـا عصيـدة ولا خبـز=وصيد البَحَر ماعاد يرضي المـزاج ِ
وش يغني المصري عن البط والوز=وهـي ذبيحتهـم بيـوم الــزواج ِ
لو لزّنا ربي علـى الضاينـة* لـز=بعنا عفوش بيوتنـا فـي الحـراج ِ
لاصار راعي الضان في السوق مبتز=الراس بالف ريـال ويـن الخـراج ِ
ماعاد نبغـى لاخـروفٍ ولا معـز=لوكان مايبقـى بهـا اليـوم ناجـي
لوكان يصبح كـل واحـد مفلـوز*=ولايحـصّـل للتفـلـوز عــلاج ِ
ماتاب عن اكل الدجاجة مـع الـرز=ياكيف نسلى عـن لحـوم الدجـاج ِ

*الضاينة: ما لذ لحمه من الضأن.
*مفلوز: من تفلوز فهو مفلوز بداء الإنفلونزا

يا هـــ وغلا ـــلا يا راجي الوصل

صح الله لساانك
والله يعطيك العافيــه
شآعر مبدع ومتمكن اينما كنت
ونتشرف بوجودك وروائعك دائماً
لا تحرمنا من جديدك
تقبل أطيب التحايــــــــــــــــــاا

راجي الوصل

صح لسانك يالغلا

الله ينكب الاسهم من دحدرت غيرها ارتفع

مصائب قوم عند قوم فوآئد

دمت يالغلا مبدعاا وبتعبيرك للواقع

تحياتي

كانت قصيدتي أسيرة الظلام
حتى مر عليها الكرام
وعقبوا عليها باحلى كلام
عندئذٍ أصبحت في عيني
درة مكنونة
وجوهرة مصونة
ــــــــــــــــــــــــــــــــــــــ
شكرا من الاعماق لتواصلكم
ولاهنتوا