(((((((من طول الغيبات جاب الغنايم ))))))

من طول الغيبات جاب الغنـــايم= واللي نوى العليا سـكن في العلالي
والخيرلأهل الخير معروف دايم = اللي عـوايـدهـم طـريـق الـحــلالي
والكفؤ وقت الصبح ماهوب نايم= يـسـرح يـدور له لـقـوتٍ ومـــــالي
طبعه مع ربعه قويّ الــعــــزايم= سمحٍ ولا يمشيي دروب الضــلالي
تلقاه مثل الصقر في الجو حــايم= مرفوع رزقه ما يحب الـهـمــــالي
رزقٍ من الله للخلائق قـســـــايم= والناس ما تـقـنع على كل حـــــالي
أما أنت ياالكسلان في جوغــايم= يا وجد روحك في الليالي الـخوالي
تقضي حياتك بين تايه وهــــايم = ولا تـخـاف الله رفـيـع الـجـــــلالي
والله كـريـم وكـلـنـا في نـعـــايم= ســـبحانه المولى عـلـيـه إتــكـــالي