الأصـــــــــدقاء

الشاعر/محسن بن حسن المسردي

له قصائد في القمة اخترت هذة القصيدة وهي تعبر عن نفسها

اتمنى ان تحوز على اعجابكم

تحـذر عــدوك مــرةٍ قـيـل فــي الأمـثـال=وتـحـذر صديـقـك ألــف مــرة ومـراتــي
عـدوك بعيـدٍ عَنْـك لــو صــال ولا جــال=ولكـن صديقـك معْـك فـي كــل الأوقـاتـي
ترى الأصدقاء واجد وفيهـم كثيـر أشكـال=وفــرق الـروابـع بـيـن عـدلـة وميـلاتـي
تجنـب تمـاشـي الــلاش ولا ردي الـخـال=تـراك إن مشيـت بدربهـم شفـت هفواتـي
وأنـا قلتـهـا مماجـرالـي وشـفـت أهــوال=سهيـرٍ عـلـى طــول الليـالـي ولا آبـاتـي
أبـي لـي صديـقٍ صـادق العهـد مايحتـال=ولا هــو مــدور مصلـحـة أو مضاهـاتـي
صديـقٍ لـيـا زاد الحـمـل للحـمـل شـيـال=الا زاد حمـلـي فـــوق كـــل أحتـمـالاتـي
ولا يستمـع هـرج العـرب قـيـل ولا قــال=يـغـض النـظـر عـنــي دمـــوحٍ لـزلاتــي
وصديق الرخا مابيه قَصْر الزمن أو طال=سـريـع إنسحـابـه عـنـد قــرب الملمـاتـي
صـديــقٍ ردي عـــزوم يـاعـلـه الـســلال=عساه المرض ويصير من ضمن الأمواتي
ومَــنْ مـثـل ذا والله ماشـريـه لـوبـريـال=لـو إن الـقـدر بـيـده والأقــدارعجـلاتـي
بكـب الرخـوم ولا نـي ممـاشـيٍ الأنــذال=وأماشـي الـذي لـه دايـم الطيـب عـاداتـي