اثبت أنك رجلا فعلا...( اثبت رجولتك)...!!

بسم الله الرحمن الرحيم

اثبت أنك رجل...!!


حتى تثبت أنك رجل لابد وأن تكون متصفا بجل هذه الصفات إن لم تكن كلها:



أولا: خلك عربجي وراسك يابس.

ثانيا: خل الشنب عندك مترين فوق الفم>>>كنه شجرة شوك والا طلح.

ثالثا: دخن ... قدام الناس وخلك (اطقع ماتشوف).

رابعا: خل ملابسك وسخة ودق اللطمة واللي يسمونها بنت البكارة(مدري وشهي).

خامسا: إن كنت طالب>>>خلك بليد وارسب كل سنة وتهاوش مع المدرس والمدير حتى.

سادسا: إن كنت موظف>>>اسحب على الدوام واحظر على كيفك وغيب على كيفك وتهاوش مع رئيسك.

سابعا: إذا جيت تسوق السيارة ارفع رجلك فوق الدركسون أو الطبلون, بل يفضل إنك تطلع رجلك مع قزاز السيارة من على الباب.>>>>أشد رجولة.

ثامنا: فحط واقطع الإشارة وإذا جت الدورية تبي توقفك لا توقف لهم انحش وخلهم يطاردونك داخل الحواري>>>وعلى طريقك اصدم لك كم من ولد والا كم من سيارة.

تاسعا: إذا مشيت بين الناس في أماكن عامة وتجمعات>> استهبل عليهم. وعلق على هذا وعلى هذاك ولا يسلم منك أحد.

عاشرا: إذا جيت تتعامل مع العمالة الأجنبية (وبالذات شرق آسيا)>>>صارخ عليهم وسبهم وتهاوش معهم. ولو وصلت للضرب والذبح عادي (حلالك وكل شي يفداك). كأنهم عبيد عندك. وشغالين عند أهلك.

أحد عشر: لا تخاف من الشرطة. ولازم تدخل السجن وتتوقف في الشهر على الأقل مرة. يعني سو لك هوشة أو ابتلش لك بواحد. انت عارف اشلون تتصرف.

ثاني عشر: خل تعاملك دوما باليد . يعني على طول استخدم يدك واضرب الي ما يعجبك كلامه.

ثالث عشر: لا تقول كلمة نظيفة. على طول خل كلامك وسخ (زي وجه البعيد) وينقط سم ولاتستحي من احد.

رابع عشر: دوم استهبل بالمشايخ والناس المحترمين والمثاليين (واتق الله في نفسك من الاستهزاء بالدين).

خامس عشر: إذا مرضت لاتروح المستشفى. طنش ولا تاخذ العلاج.

سادس عشر: إذا تزوجت>>>ليلة الدخلة اطلع مع اخوياك القهوة واسهر معهم للفجر. واليوم الثاني اعزم الشلة عندك بالبيت. ودايم اضرب المدام واعتبرها شغالة عندك انت واهلك. ولاتوديها السوق ولاتخليها تطلع من البيت.
يعني احجرها وصك عليها 24 ساعة. رجل قوووي.

سابع عشر: ارفع صوتك على أبوك وأمك. واطلع من البيت واصكع الباب وراك. ولاتعبر احد فيهم.

ثامن عشر: سافر برا>>>واستمتع بشبابك وتونس بالشغلات الي في بالك (؟؟؟؟).

تاسع عشر: اكثر وقتك خله مع الشباب وأخوياك برا البيت. ولاتسأل في هلك ولاعن أخبارهم.

عشرون: روح الأسواق وتحرش في بنات الناس. ولا يهمونك الهيئة. بالعكس إذا صادوك فانت رجل قووي.

واحد وعشرون: إذا احد سلم عليك>>>لاترد عليه روح امسكه وقل له متى المعرفة يابو الشباب وتهاوش معاه.




........ الكلام يطول


وأنتم كملوا صفات الرجولة نيابة عني

لأني تعبت وأنا أكتب وعييت تنتهي الصفات المثبتة للرجال.



خلك رجال ((دووم تقيد بصفات الرجولة))


ودوما ألقاكم على خير

أخوكم ومحبكم

الناقد