~*(( الشاعر سهيل الشرق.... وهذا ردي ))*~

المشاركة الأصلية كتبت بواسطة سهيل الشرق

بسم الله الرحمن الرحيم

هذه قصيدة قد لاتسمى قصيدة ولكن جادت القريحة بها فآمل تقبلها وتقبل
ما بها من عيوب لاتعد ولا تحصى وهي موجة لأخي الحبيب
الأستاذ الشاعر / نقش خالد ((أبو راكان))
أرجو من أخي تدبر معانيها وأن يكون رده يحمل المصداقية التي
تعودنها من شخصه الكريم في مجمل قصائده.

الشعر له شاعر وللطيب رجال=ونقش خالد للمراجل شربها
والصدق له مبدأ وعنوان وأمثال=صفة جليلة حظ من هو كسبها
سلام ياشاعر يصلّك بمرسال=سلام يابن العم وأوفى عربها
سلام منقول(ن) من أبها وميال=يم الديار اللي تخفف كربها
بأسلك ياشاعر عن الوقت واسال=هو بقي لي في الوقت غالي طربها
لي صاحب(ن) قد تل روحي وله بال=بالي معه ولكل لحظة قطبها
قصة تزيد الرأس هم(ن)على أهبال=قصة قديمة وانت تدري خطبها
قصة يتيمة قصة أحلام وآمال=آمال وأحلام (ن) وغيري سحبها
الحب بلوة تصرم القلب باسلال=مثيل صرم المزرعة من قصبها
الحب ملعون الصلايب ودجال=يالعن أبو ذالحب ورحي نهبها
الحب بحر الموت بالموج طيّال=وبحور حبه من سلم من نشبها
هذي حياتي في ترحّل ومنزال=وآمال روحي قد تهدم قببها
أبغى الإفادة وانت صقر(ن) وخيال=عن غيبته يا خوك عطني سببها

الاخ الغالي سهيل الشرق وفقه الله

صح لسانك مليوووون ولا يكفوووون

من ما يسعدني ان تخصني برائعة من روائعك

وهذا ان دل على شي فانما يدل على طيبك

واعذرني على الرد ولكن هذا اللي قدرني الله عليه

جاني قصيد سهيل ياعز مرسال = معنى عسير وفكر ٍ ابها من ابها
رجل ٍ حفر مجده في اذهان الاجيال = ما هو على كيف الضروف اغتصبها
عزته وارثها من العم للخال = واختار اسمه من النجوم وشهبها
يا سهيل لا تندم على ماض ٍ زال= ياخوك ذي قسمة وما الله كتبها
وانا لو إني منك فكّيت الاغلال = واطلقت قلبي مـ الجحيم وحطبها
انسى ولا توقف على ذيك الاطلال = حرّم على قلبك وعينك تعبها
بعض العرب تشري من الناس رجال = وبعض العرب ما هو يشرف نسبها
وبعض العرب فـ القيض تلقى به ضلال = وبعض العرب شمسك يزود لهبها
ما كل ما يصبح به القلب ميال = يستاهل الإقدام قبل انحسبها
والصاحب اللي تلّ روحك ولا زال = يتلّها الين روحك عطبها
روّح وخبري به وهو سيئ الحال = والحبل اضهر من بياره غربها
وانا اشهد ان الله عطا بأول الفال = اضعاف ما قلبك تعب في طلبها
هذي الافادة وانت في كل الاحوال = شيخ القيصد وشيخ رجل ٍ كتبها

اخوك

نقش خالد

.