|
#1
08-01-2005, 09:38 AM
|
|||||||||
|
|||||||||
تذكرين0000؟
قال لها
تذكرين ذيك السنين يوم انتي صغيره ولك ظفاير طويله وانا وانتي نلعب في بيت جدتنا تذكرين شجرة الرمان والعنب وشجرة التين والخوخه الكبيره تذكرين ذاك الحوش والمرجيحه الكبيره كانت ايام حلوه كل شي فيها كان عادي تذكرين العابنا وسباقنا تذكرين كم تهاوشنا كم ضحكنا كم لعبنا تذكرين يوم انا اضرب اختي عشانك واخذ منها لعبتها وحتى حلاوتها تذكرين يوم اقوللك اضحكي وانتي قبل ما اتكلم تضحكين تذكرين يوم انك كبرتي وتغطيتي تذكرين اشكثر ذاك اليوم انا زعلت تذكرين اني حلفت لاقعد معاكم حتى لو تغطيتي كنتي لي من بين كل الناس شخص غير عادي تذكرين والانسيتي لو ما تذكرين اذكرك كنتي لي ولازلتي حياتي انتي نبض قلبي انتي انفاسي انتي نور دنياي انتي امسي ويومي وبكره ومستقبل حياتي عشت احلم بيوم يجمعنا عشت احلم بشوفك واحلم بصدى صوتك ورنة ضحكتك عشت احلم اني ارفع عن وجهك غطاه واملى عيوني بفرحة لقاه عشت احلم بيوم نعيد ماضينا ونعيش ذكراه سنيني اللي مضت ما احسبها من عمري0 من غير شوفك كانت سراب كانت مثل ايام الشتا بارده مو حشه قاسيه كنت اتذكرك واذكر ايامنا في بيت جدتنا ايام 0000 كل شي فيها غير عادي0 لو ما تذكرين اذكرك لو تناسيتي ارجعي لاحلى سنين عمرك واتذكري اذكريني واذكري اني من صغر سني ااحبك حب فوق الوصف حب نما في وسط قلبي مع كل قطره في دمي مع كل دقات قلبي ونبضه مع كل يوم عشته واعيشه مع كل نسمة هوا تلعب بشعرك شعرك الطويل يوم اقولك لو تقصينه ترى جزء من عمري تقصين من ذكرياتي من حبي الدفين0 تذكرين يوم انك كبرتي ورحت عنك وغصب عني بعيد تذكرين ان جمالك غيرك نسيتيني نسيتي سنيني معك يا اغلا مافي الكون ياسواد العين يا نور قلبي00 يادفا ايامي ياامسي ويومي ياحاضري ومستقبلي بعتيني رخيص بعتي عمري وذكرياتي ياليتني ما كبرت ولا انتي كبرتي ياليتنا بقينا في بيت جدتنا نلعب تحت شجرة الرمان والعنب وشجرة التين والخوخه الكبيره ياليتنا بقينا صغار في ذيك الايام اللي كان كل شي فيها غير عادي 
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض الشجري