(مذا كـــــــــــــــاان علييه وااااروي !!!!)

يقول المثل (محلاك مروي (يعني متكلم) قال الا محلاك ساكت)<<<طبعا بتشديد الكاف الا مالا نهاية

الخلاصة

احيانا يمر على الشخص مواقف لايحسد عليها يعني الريال يقول سالفة<<<<وغالبا تكون كذاب

وعلى باله انه شد الحضور ويتفاجا ان المستمعين صكوها في وجهه وقالوا يامسلم امنعنا من الكذاب <<<يعني

بالعامية صوخ في ويهك

ويجيبون الادلة والبراهين ان سالفته كل ابوها كذاب في هذه اللحظة تحديدا يقول في نفسه (الله يشرهني مذا

كان عليه واااروي )

على شان اسهل عليكم الموضوع وااعلمكم بسالفة صارت لي وودي اني انخميت لحظتها لان الموجودين كانوا فاهمين

وانا توقعت انهم دلمبخ

في مرة من المرارير كنت جاعد مع ثلة من الشباب الطيبين <<<والمشكلة ما اعرف منهم الا واحد واستحي منه

زيدشروا من عندي ذلحين

المهم حسيت في داخلي شي يقول ياولد علمهم بسالفة وشارك في القعدة وايقولون انك هرييج<<يعني ملسن

قلت مايلي بالنص :

تصدقون اني شفت اليوم لوحة شبح <<على ايام مافي الارض عبا الشبح

ولوحتها (ش ب ح 600) <<< وايامها باقي ما ورد الا حرف أ يعني حتى ال ب ما دعب السوق قالوا الللله في ذمتك

قلت اي والله وقمت استطرد في السالفة

اثر واحدن منهم عاد واينفقع قلبه مني قال ياخي لاتكذب تراهم باقي في حرف أ قلت << وعلى بالي ازيد السالفة

ابهارن ياعمي الواسطة اقوى من النظام <<<<سلاماااات

قال اقول ترى حرف ال شِ مافي امل ينزل لان المتشابهات ياخذون منها واحد يعني بياخذون (س) غير امنعنا من

الكوذاب

المشكلة ما امون على الشباب ولا اعرفهم حتى وعاد عرقي يصب وهم يتلفتون فيه بعين احتقار منقطع النظير << صح

لغة عربية المهم اني غبت في رشحي من الخيل وعاد ودي الارض تنشق وتبلعني وعت اقول كلام ماله معنى

وتلخبطت الين صرت احس اني سابح في الفراغ بلا هدف << سكتوه يارييل

وحمرت ويهي عبا اليمرة وما احتسبت انهم غيروا السالفة وانا جاعد لحالي ما انبس ببنت شفه <<< لاحووول

والين سرينا وانا اقوول (مذا كاان علييه وااااروي ؟؟؟)

ايحت الحندية

الشاهد اني ماقلت الروايا تي فوق الا واعن كل واحد يعلمني ان كان صار عليه عباية ووالله ما اعلم حي

والله يستر لاتقولون بعد كل هذا اللي فوق ياولد ال طلحه محلاك ساشت <<بتصرف من ساكت

وسلامتكم


والله جاطع المال والريال انكم ان مارديتوا عليه ماعت اهب فيها صلبة

>>> اااسف ان كان فيه بعض الكلام ما أنفهم لكن دبر نفسك <<<