(رثاء شالح بن هدلان لابنه ذيب )

ياربعنا يااللي على الفطر الشيب =عزالله انه ضاع منكم وداعه
رحتوا على الطوعات مثل العياسيب = وجيتو وخليتو ا القلبي بضاعه
خليتوا النادر بدار الاجانب = وضاقت بي الافاق عقب اتساعه
تكدرن لي صافيات المشاريب = وبالعون شفت الذل عقب الشجاعه
ياذيب انا بوصيك لاتاكل الذيب = كم ليلة عشاك عقب المجاعه
كم ليلة عشاك حرش العراقيب = وكم شيخ قوم كزته لك ذراعه
كفه ابعدوانه شنيع المضاريب = ويسقي عدوه بالوغى سم ساعه
ويضحك الي صكت عليه المغاليب = ويلكد على جمع العدو باندفاعه
وبيته الجيرانه ايشيد على الطيب = وللضيف يبني في طويل الرفاعه
جرحي عطيب ولابقالي مقاضيب = وافخت حبل الوصل عقب انقطاعه
كني بعد فقداه ابحامي اللواهيب = وكني غريب الدار مالي جماعه
من عقب ذيب الخيل عرج مهاليب = ياهل الرمك ماعاد فيهن اطماعه
قالوا تطيب وقلت وشلون اباطيب = وطلبت من عند الكريم الشفاعه

هذه الابيات للشاعر الشيخ شالح بن هدلان من قحطان نجد وقد قال هذه الابيات عندما قتل ابنه ذيب على يد فردمن قبيلة عتيبه حيث كان الحرب قام بين تلك القبيلتين في ذلك الزمان 0