عوايد

البارحه صاحي وخلق الله نيام
************************* ** * وأرتب افكاري وأعد القصايد
مره جنوب ومره نسوقها شام
*********************** ** ومره على ما قيل فوق الحدايد
نكتب ونقرأ ثم نبصم بالإبهام
*********************** *** ان القصيد احيان ما هوب رايد
لو جيت وانشرها على الموقع العام
************************** ** أخاف ينقدني وسيع البنايد
وان سقتها للخاص قالوا من العام
*********************** **** قصايدك مأخوذة من الجرايد
وان قلت انا واثق وعندي لها وسام
************************* قالوا وسامك يا ابن الاجواد بايد
يعني اذا يبغون للشخص ينظام
*************************** ** ** تولجوه بنار* توقد وقايد
وان كانهم حبوه يصبح لهم هام
*************************** واعطوه لايك وألحفوه العوايد
ديدن كثير الربع والحظ ما قام
************************ والمشكله في سلم راعي الزوايد
لبسني المقصب وانا ما لي الزام
************************* وانا احسبه عوني نهار الشدايد
من عقبها صليت ولبست الاحرام
************** ***** وأفلحت أسوق الفكر صوب السنايد
وتقبل الله عمرتي والستر دام
*************************** علي وعلى كل شخص محايد

*********************** غرمان بن عزيز