سياسة الشاعر

المدح في بعض المخاليق ما فيه ثمره
* ************* نقص على راعيه حتى لو الشاعر تمام
ان جيت تمدح فيه ياخذ قصيدك مسخره
** ************ماهوب متعود على المدح وعلوم الكرام
وان جيت تعطيه القصيده بخور ومبخره
*** **************** عود يقول انا تميزت عن كل الانام
صحيح فيه احيان حاجات منها نعذره
** ************* لكن بعض احيان تبدي عناوين الملام
ما ودنا نجزيه بالفعل ولا نحقره
* ***************** ولا نحب نعامل الغير بخباث الكلام
وسياسة الشاعر تقديه فيما يحضره
************** اما انحدر في القاع ولا وصل حد الغمام
والشاعر البيطار عبر القصيده نخبره
* *************** ونقيم النص المقدم ونعطيه الوسام
اما القصيد اللي مجرد كلام وثرثره
****************** ما نلتفت يمه ولا له مكان ولا مقام
والمدح في بعض المخاليق حتما مفخره
* ************ يفخر به الشاعر ويوصل قصيده للعوام
اذا مدح يمدح هل المدح واهل المقدره
************** ناس لها صيت في المدح من شرق وشام
وتميزت عن باقي الناس وقت المعسره
******************* اما نهار اليسر كل يقول انا الامام
والمعذره وان كان شعري تعدى منبره
***************** لكن واجب نظهر الحق ويعم السلام