أكحّلْك يا عيوني ,,

أكحّلْك يا عيوني بشوف المطر والسيل=وروضٍ تعانق فيه نبته مع ازهاره
يزيد انشراح الصدر مغنى هدير الغيل=و شوف الحبيب اللي دنى تشرق انواره
تزين السوالف معْ فناجين بن و هيل=وبرّاد شاهيٍ ينعش الروح باخداره
هروجٍ تسرّ البال و بلا عواج و ميل=تنسّي الفواد اهمومه و تجلي اكداره
تفيض المشاعر مثل ما فاض نهر النيل=ولا يعذر الشاعر ليا فاض با شعاره
يسوق القوافي مثل سوق المزاين حيل=يبيّح بها المكنون ويكشف عن استاره
تمر الدقايق طايره في بلوغ الليل=مثل رميةالبلجيك لا صوّب اعياره
كذا اجمل ليال العمر طيفٍ بريقه زيل=يعجّل على الممشى و قد نصّ تذكاره