كفاية تشويه ؟؟؟؟

السلام عليكم ورحمة الله وبركاته

رغم ان الموضوع قد يكون بسيط ولكنه يمس سمعة دولة
في العام الماضي دخلت عند حلاق في المنطقة وكان قبلي شخص من المنطقة
شاب وموظف لا يقل راتبه عن 13000ريال دخلت وجلست على الكرسي خلص حلاقة وطلع المحفظة من جيبه وقلبها يمين يسار
وقال معلش ما عندي فلوس باجيب من الصرافة واجي قال الحلاق ما في مشكلة
طلع من المحل وسألني تعرفه قلت كيف معروف خلصت ومشيت
مريته بعد اسبوع او اسبوعين قال يا اخي نفر سعودي ما يجي
قلت اكيد نسي وراح يجيك مستحيل يروح بــ 15 ريال
بعد اسبوعين نفس الكلام .. قلت تفضل يا صديق هذا 15 ريال
قابلت اخوه وقلت قل لفلان انا اعطيت الحلاق الفلوس لا عاد يعطيه مرة ثانية
طبعا زعلان علي الى حد الآن ولا يسلم علي ؟؟؟؟

قبل يوم نفس الكلام عند احد الحلاقين شخص يحلق ويتشرط على الحلاق وانا جلست على كرسي جنبه
خلص وقام ونفس الطريقة السابقة وانا كنت حريص علشان لا يحاسب عني وكنت اراقبه في المراية
حط المحفظة في جيبه وقال ما فيه فلوس الحين وخرج من المحل ..طبعا اعرفه معرفة تامه..
طالع فيني الباكستاني قلت لا تخاف عندي فلوس
من الصدف انه في نفس المحل حق العام بس العامل تغير..
وقيسوا على هذا الامر امور كثيرة ..

*- هل فعلا ليس لديهم فلوس ؟؟
*- هل اصبحت ظاهرة جديدة للحلاقة مجاني ؟؟
*- الا يحس هذا الشاب او الرجل انه يشوه سمعة بلدنا ؟؟
*-من لديه الوصف لهؤلاء الشباب وهذه الظاهر ة فلا يبخل علينا ..

ولكم فائق مودتي وتقديري