ياللّي متواري والتواري من العام

ياللّي متواري والتواري من العام=شفتك دقايق بس كن اللقا اليوم
عقبك تنام العين والقلب مانام=غفوه بسردب طيف وازعاج وهموم
شف الوله والوجد هيّم بي هيام=تعبت من كبر الغلا اطيح واقوم
يامحطّم بدنبا المزايين الارقام=لو الجمال بدولتي ماله رقوم
لاشفت خصرك قلت صايم لك ايام=ولاشفت ردفك قلت ماتعرف الصوم
مع واقفٍ مزموم بالصدر قدام=كنّه يفتش بالمجره على نجوم
ورموش سود مسوّيه ثقل وزحام=لولا عكاشتها تسبب له النوم
خذتي بياضك ياخدوده من الشام=ملح الجمال وسكره فيك ملموم
وان دق بالخطوه على روس الاقدام=ياقوم ياشاجن موسيقاه ياقوم
لو تطلب اوصافه من احساس رسّام= يرسم ملامح مهرةٍ لابن مكتوم
فكّوله اسطبله وتلعب بلا خطام=ممنوع عنها اللمس والعرض والسوم
لاشافها من مجلسه صفّق وقام=لاصله بصدر محمد الراشد علوم
احن لك لو العهد بيننا تام=حنين مسجونٍ له السنين مظلوم
كريم مافي عمره انضام وانضام=بااسباب راي وكيد وحثالة رخوم
يبحث عن اطلاقه ورى قلوبٍ صيام=ماهمهم في داخل السجن مكلوم
ياللّي متواري والتواري من العام=شفتك دقايق بس كن اللقا اليوم

بقلمي بدر الشمري