بيرقك يالشعب السعودي

يسجل التاريخ في مثل هذا اليوم
ان الدرر ما عصيت الفكر والمنطوق

سنين يا قبطان مبحر ولك في العوم
شهادة الله كافيه ما رجيت احلوق

عصاة موسى في يميني لكل لزوم
وخاتم سليمان امتلكته ولا له سوق

من فضل ربي ما تكدرت م المقسوم
الحظ خالفني وعهدي معه موثوق

وان قلت يا هاجس يلبي وهو ملزوم
الضيف في حكم المضيف ولاهي حقوق

والله يا عيني على الشعر مثل الزوم
تجهر وتفتن كل نادر يجيلي ذوق

بيرقك يا الشعب السعودي وعد رقوم
العرش باسم الله حكمه وادق البوق

والقاف لك يا سيدي ما قصره اعزوم
يا من سكنت اقلوبنا يا خصيم العوق

اسمك محبب بالذكرقاله المدعوم
من فوق سبعه خالق الكون والمخلوق

اصلي وسلم على سيدنا المرحوم
اللي بفضله كل هالكون له محقوق

واقف وانا عمري وابنقل تحية قوم
ترجف عروق الارض من وقعها وتروق

من خيرها ما عاد في الكون شي محروم
الارض قطعة عود من فيضها معتوق

والشمس جمرتها وقال الهواء مخدوم
دخانها يكتب لنا اسمك المطلوق

خادم بيوت الله يسلم لنا ويدوم
ولو لا نخاف الناس تغوى براعي الذوق

علقت في بطن السماء صورتك بنجوم
يا دار في هيبت مليكك تعالي فوق

يا قبلة المسلم ترابك بنا محشوم
حنا جنود الحق لا من دعينا طوق

كن الجسد يفخر بدمه وهو مخروم
نقبل رصاصة خصمنا ما يشوف اذروق

ولا يدنس تربتك شرذمه وارخوم
يقوله العمري عن الجيش لك ويسوق

عهد الوفاء يا سيدي ما لحقه اعلوم
هذا ويا قصر الخطاوي على المسروق

ويا صعبها لا جيت ابخط م المعدوم
لاجل الوطن تمت ولا قلت انا مسبوق

وصلاة ربي عد ما يمطر المظلوم
سحايبه هلت وقال الفضاء معشوق !!